ສານປະຊາຊົນສູງສຸດແຫ່ງ ສປປລາວ The People's Supreme Court of The Lao PDR

06/12/2024

03/12/2024

ໃນຕອນບ່າຍວັນທີ 29 ພະຈິກ 2024 ຜ່ານມານີ້ ສານປະຊາຊົນສູງສຸດ ໄດ້ຈັດພິທີປະກາດການແຕ່ງຕັ້ງ ຜູ້ພິພາກສາຊັ້ນສີ່, ຫົວໜ້າພະແນກ, ຮອງຫົວໜ້າພະແນກ ແລະ ສັບປ່ຽນບ່ອນປະຈຳການ ຂຶ້ນທີ່ຫ້ອງປະຊຸມໃຫ່ຍ ຊັ້ນສີ່ ສານປະຊາຊົນສູງສຸດ ໂດຍເປັນກຽດປະທານຂອງ ທ່ານ ສຈ ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ມີບັນດາທ່ານ ຫົວໜ້າຫ້ອງການ, ຫົວໜ້າກົມ, ຫົວໜ້າຄະນະສານ, ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມ, ຜູ້ພິພາກສາ, ພະນັກງານຂອງສານປະຊາຊົນ ນະຄອນຫຼວງວຽງຈັນ, ສານປະຊາຊົນເຂດ 2 ນະຄອນຫຼວງວຽງຈັນ ພ້ອມທັງພະນັກງານສານປະຊາຊົນສູງສຸດ ເຂົ້າຮ່ວມ. ໃນພິທີ ທ່ານ ຂຸນສຸວັນ ສຸທຳມະວົງ ຫົວໜ້າກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຂຶ້້ນຜ່ານມະຕິຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງ ຜູ້ພິພາກສາຊັ້ນສີ່ ຈຳນວນ 4 ທ່ານ, ຜ່ານຂໍ້ຕົກລົງຂອງປະທານສານປະຊາຊົນສູງສຸດ ວ່າດ້ວຍການແຕ່ງຕັ້ງ ຫົວໜ້າພະແນກ ແລະ ຮອງຫົວໜ້າພະແນກ ຈຳນວນ 05 ທ່ານ ແລະ ຜ່ານຂໍ້ຕົກລົງຂອງປະທານສານປະຊາຊົນສູງສຸດ ວ່າດ້ວຍການສັບປ່ຽນບ່ອນປະຈຳການພະນັກງານ ຈຳນວນ 3 ທ່ານ ດັ່ງລາຍລະອຽດລຸ່ມນີ້:
1. ແຕ່ງຕັ້ງທ່ານ ສັກກູນາ ຍະພິຈິດ ຜູ້ພິພາກສາຊັ້ນສາມ ຫົວໜ້າກົມຄຸ້ມຄອງວິຊາການ ແລະ ສະຖິຕິສານ ຂຶ້ນເປັນ ຜູ້ພິພາກສາຊັ້ນສີ່ ສານປະຊາຊົນສູງສຸດ;
2. ແຕ່ງຕັ້ງທ່ານ ນາລີສວນ ສາຍສຸລິຍາ ຜູ້ພິພາກສາຊັ້ນສາມ ຄະນະສານອາຍາ ສານປະຊາຊົນສູງສຸດ ຂຶ້ນເປັນ ຜູ້ພິພາກສາຊັ້ນສີ່ ສານປະຊາຊົນສູງສຸດ;
3. ແຕ່ງຕັ້ງທ່ານ ສີວັນ ບຸນທະລາ ຜູ້ພິພາກສາຊັ້ນສາມ ຄະນະສານອາຍາ ສານປະຊາຊົນສູງສຸດ ຂຶ້ນເປັນ ຜູ້ພິພາກສາຊັ້ນສີ່ ສານປະຊາຊົນສູງສຸດ;
4. ແຕ່ງຕັ້ງທ່ານ ພັນເອກ ຈັນທະວີໄຊ ນາມມະວົງສາ ຜູ້ພິພາກສາຊັ້ນສາມ ສານທະຫານພາກໃຕ້ ຂຶ້ນເປັນຜູ້ພິພາກສາຊັ້ນສີ່
5. ແຕ່ງຕັ້ງທ່ານ ສຸລິເດດ ສໍອິນໄຊ ຜູ້ຊ່ວຍເລຂາປະທານ ເປັນ ຫົວໜ້າພະແນກຂອງຫ້ອງການ ສານປະຊາຊົນສູງສຸດ;
6. ແຕ່ງຕັ້ງທ່ານ ນາງ ວິໄລວັນ ວໍລະສານ ຮອງຫົວໜ້າພະແນກບໍລິຫານ ເປັນ ຫົວໜ້າພະແນກບໍລິຫານ ຂອງຫ້ອງການ ສານປະຊາຊົນສູງສຸດ;
7. ແຕ່ງຕັ້ງທ່ານ ນາງ ປາພັດສອນ ມູນຕີວົງ ວິຊາການ ເປັນ ຮອງຫົວໜ້າພະແນກ ຂອງຫ້ອງການສານປະຊາຊົນສູງສຸດ;
8. ແຕ່ງຕັ້ງທ່ານ ສາຄອນ ບຸນມີໄຊ ວິຊາການ ພະແນກເຕັກໂນໂລຊີ ແລະ ຂໍ້ມູນຂ່າວສານ ເປັນ ຮອງຫົວໜ້າພະແນກ ເຕັກໂນໂລຊີ ແລະ ຂໍ້ມູນຂ່າວສານ;
9. ແຕ່ງຕັ້ງທ່ານ ໂຕນິກ ຈັນດາວົງໄຊ ວິຊາການ ກົມການເງິນ ເປັນ ຮອງຫົວໜ້າພະແນກ ກົມການເງິນ ສານປະຊາຊົນສູງສຸດ;
10. ສັບປ່ຽນບ່ອນປະຈຳການ ທ່ານ ແກ້ວອຸດອນ ຜູ້ພິພາກສາຊັ້ນສອງ ສານປະຊາຊົນເຂດ1 ນະຄອນຫຼວງວຽງຈັນ ປະຈຳການຢູ່ ຄະນະສານແຮງງານ ສານປະຊາຊົນສູງສຸດ;
11. ສັບປ່ຽນບ່ອນປະຈຳການ ທ່ານ ຫົງຄຳ ດີເລີດ ພະນັກງານວິຊາການ ກົມຄຸ້ມຄອງວິຊາການ ແລະ ສະຖິຕິສານ ປະຈຳການຢູ່ ສານປະຊາຊົນເຂດ 1 ນະຄອນຫຼວງວຽງຈັນ;
12. ສັບປ່ຽນບ່ອນປະຈຳການ ທ່ານ ວຽງຄຳ ຈັນທະລາພອນ ພະນັກງານວິຊາການ ສະຖາບັນຄົ້ນຄວ້າຝຶກອົບຮົມ ສານປະຊາຊົນສູງສຸດ ປະຈຳການຢູ່ ສານປະຊາຊົນເຂດ 1 ນະຄອນຫຼວງວຽງຈັນ;
ຈາກນັ້ນ ທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ກໍໄດ້ໃຫ້ກຽດຂຶ້ນມອບມະຕິແຕ່ງຕັ້ງ ແລະ ປະດັບຊັ້ນໃຫ້ຜູ້ທີ່ຖືກແຕ່ງຕັ້ງຢ່າງສົມກຽດ;
ໃນພິທີ ທີ່ມີຄວາມໝາຍຄວາມສຳຄັນນີ້ ທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ກໍໄດ້ໃຫ້ກຽດໂອ້ລົມຕໍ່ພິທີ ກ່ອນອື່ນທ່ານໄດ້ຕີລາຄາສູງຕໍ່ຄວາມຕັ້ງໃຈ, ຄວາມກະຕືລືລົ້ນ ຂອງຜູ້ທີ່ໄດ້ຮັບຕຳແໜ່ງພະນັກງານນຳພາ-ຄຸ້ມຄອງໃໝ່ໃນຄັ້ງນີ້ ທີ່ມີຄວາມມານະອົດທົນ, ບໍ່ມີແນວຄິດທໍ້ຖອຍ, ເຮັດທຸກສິ່ງທຸກຢ່າງດ້ວຍຄວາມຮັບຜິດຊອບສູງ ຈົນໄດ້ຮັບຄວາມໄວ້ວາງໃຈຈາກການນຳຂັ້ນສູງເວົ້າລວມ ເວົ້າສະເພາະກໍຄືການນຳຂອງແຂວງ ຈຶ່ງໄດ້ມອບໜ້າທີຕຳແໜ່ງທີມີກຽດໃຫ້ຮັບຜິດຊອບ ນຳພາ-ຊີ້ນຳ ແລະ ທ່ານຍັງເນັ້ນໜັກໃນການຮັບໜ້າທີ່ຕຳແໜ່ງຄັ້ງນີ້ ຕ້ອງຕິດພັນກັບຄຸນທາດການເມືອງ, ຄຸນສົມບັດສິນທຳປະຕິວັດ, ຕິດພັນກັບຈັນຍາບັນ-ຈັນຍາທຳ, ຍຶດຖືອຸດົມການຂອງພັກເປັນຈຸດຢືນ, ບໍ່ໃຫ້ຖືການຊີ້ນຳຫຼາຍກ່ວາການນຳພາ, ໃຫ້ມີການລົງແນະນໍາ-ນໍາພາເຮັດຕົວຈິງໃນຂົງເຂດຂອງຕົນຮັບຜິດຊອບ, ຕ້ອງມີຄວາມເຂັ້ມງວດຕໍ່ລະບຽບ ມີການສຳຫຼວດກວດກາຕໍ່ຕົນເອງ ແລະ ໝູ່ຄະນະ, ຖືເອົາການເຕົ້າໂຮມຄວາມສາມັກຄີເປັນຫຼັກ, ດ້ານການແກ້ໄຂພິພາກສາຄະດີຕ້ອງເປັນໝູ່ຄະນະ ແລະ ເປັນກາງ ມີຄວາມລະອຽດຖີ່ຖ້ວນ ຫັດກຸມ, ສົມທົບກັບການນຳຂອງແຂວງ ກ່ຽວກັບການນຳພາ-ຊີ້ນຳ, ກົນໄກການເຮັດວຽກ ເຮັດເປັນຈຸດສຸມ ເປັນຕົ້ນແມ່ນການປະເມີນຜູ້ພິພາກສາດີ-ເກັ່ງ ພ້ອມນີ້ຕ້ອງມີການຕິດຕາມກວດກາຄືນຜົນຂອງການແກ້ໄຂຄະດີຕາມລະບຽບກົດໝາຍ. ນຳເອົາຄວາມຮູ້ຄວາມສາມາດ ແລະ ປະສົບການທີ່ຜ່ານມາຂອງຕົນເອງເຂົ້າມາປັບປຸງ ໃຫ້ມີຄວາມກ້າວໜ້າ ແລະ ທັນສະໄໝຂຶ້ນໄປເລື້ອຍໆ ພິທີ ກໍໄດ້ອັດລົງດ້ວຍຜົນສຳເລັດອັນຈົບງາມ.

02/12/2024

ຊົມເຊີຍ ວັນຊາດ ທີ 2 ທັນວາ ຄົບຮອບ 49ປີ (2 ທັນວາ 1975-2 ທັນວາ 2024) ຢ່າງສຸດໃຈ!

29/11/2024

ໃນວັນທີ 28 ພະຈິກ 2024 ທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ໄດ້ຜ່ານບົດລາຍງານການເຄື່ອນໄຫວວຽກງານປະຈໍາປີ 2024 ແລະ ທິດທາງແຜນການ ປະຈຳປີ 2025 ຂອງສານປະຊາຊົນ ຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ IX.

26/11/2024

ຄະນະຜູ້ແທນຂັ້ນສູງຂອງສານປະຊາຊົນສູງສຸດແຫ່ງ ສປປ ລາວ
ສໍາເລັດການເຂົ້າຮ່ວມກອງປະຊຸມສະພາຕຸລາການອາຊຽນຄັ້ງທີ 11
(11th Council of ASEAN Chief Justice Meeting)
ໂດຍຕອບໜອງຕາມການເຊື້ອເຊີນຂອງທ່ານ Alexander G. Gesmundo ປະທານສານສູງສຸດ ແຫ່ງ ປະເທດ ຟີລິປິນ ໃນນາມປະເທດເຈົ້າພາບ, ໃນລະຫວ່າງວັນທີ 18 ຫາ 21 ພະຈິກ 2024 ຄະນະຜູ້ແທນສານປະຊາຊົນສູງສຸດ ນໍາໂດຍ ທ່ານ ສຈ ປອ ນາງ ວຽງທອງ ສີພັນດອນ, ປະທານສານປະຊາຊົນສູງສຸດ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມສະພາຕຸລາການອາຊຽນ ຄັ້ງທີ XI ທີີ່ເມືອງເຊບູ, ປະເທດຟີລິປິນ.
ເຂົ້າຮ່ວມກອງປະຊຸຸມໃນຄັ້ງນີ້ມີຄະນະຜູ້ແທນຂັ້ນສູງ ຈາກສານປະຊາຊົນສູງສຸດ ສປປ ລາວ, ບຣູໄນ, ຣາຊາອານາຈັກກໍາປູເຈຍ, ອິນໂດເນເຊຍ, ມາເລເຊຍ, ມຽນມາ, ຟີລິປິນ, ສິງກະໂປ, ຣາຊາອານາຈັກໄທ ແລະ ສສ ຫວຽດນາມ ພ້ອມດ້ວຍຜູ້ຕາງໜ້າຈາກສໍານັກງານເລຂາທິການໃຫຍ່ອາຊຽນ ແລະ ກອງເລຂາສະພາປະທານສານສູງສຸດອາຊຽນ ເຂົ້າຮ່ວມ.
ກອງປະຊຸມສະພາຕຸລາການອາຊຽນ ຫຼື CACJ Meeting ເປັນກອງປະຊຸມລະດັບສູງສຸດຂອງສະພາຕຸລາການອາຊຽນ ຊຶ່ງຈະຈັດຂຶ້ນໃນທຸກໆປີ ໂດຍບັນດາປະເທດສະມາຊິກ ຜັດປ່ຽນກັນເປັນເຈົ້າພາບ ເພື່ອຈຸດປະສົງ: (1) ຊຸກຍູ້-ສົ່ງເສີມ ການພົວພັນຮ່ວມມືທີ່ໃກ້ສິດ ແລະ ເສີມສ້າງຄວາມເຂົ້າໃຈເຊິ່ງກັນ ແລະ ກັນດ້ານວຽກງານຕຸລາການຂອງປະເທດອາຊຽນ, (2) ເປັນເວທີ່ເພື່ອປຶກສາຫາລື ແລະ ແລກປ່ຽນບົດຮຽນດ້ານຕ່າງໆຂອງບັນດາປະທານສານສງູສຸດອາຊຽນ, (3) ອໍານວຍຄວາມສະດວກການຮ່ວມມືດ້ານຕຸລາການໃນຂົງເຂດປະເທດອາຊຽນ ເພື່ອເສີມສ້າງການພັດທະນາດ້ານເສດຖະກິດ-ສັງຄົມ.
ໃນໂອກາດທີ່ເຂົ້າຮ່ວມກອງປະຊຸມໃນຄັ້ງນີ້ ທ່ານ ສຈ ປອ ນາງ ວຽງທອງ ສີພັນດອນ, ປະທານປະຊາຊົນສູງສຸດ ໄດ້ຕ່າງໜ້າຄະນະຜູ້ແທນແຫ່ງ ສປປ ລາວ ໄດ້ມີຄໍາເຫັນຕໍ່ກອງປະຊຸມ ຊຶ່ງເນື້ອໃນບາງຕອນທ່ານໄດ້ກ່າວວ່າ: ສານປະຊາຊົນສູງສຸດແຫ່ງ ສປປ ລາວ ໃນນາມສະມາຊິກຂອງສະພາປະທານສານສູງສຸດອາຊຽນ (CACJ) ກໍໄດ້ມີຄວາມພະຍາຍາມສູງສຸດໃນການຈັດຕັ້ງປະຕິບັດວຽກງານໃນໄລຍະຜ່ານມາ ດ້ວຍການຜັນຂະຫຍາຍເນື້ອໃນຂອງຖະແຫຼງການຄັ້ງທີ X (ຖະແຫຼງການກົວລາລໍາເປີ) ເຂົ້າໃນການຈັດຕັ້ງປະຕິບັດວຽກງານວິຊາສະເພາະພາຍໃນຂອງຕົນ, ສ້າງນິຕິກໍາລຸ່ມກົດໝາຍ ເພື່ອເປັນເຄື່ອງມືໃນການຜັນຂະຫຍາຍວຽກງານດັ່ງກ່າວ ເປັນຕົ້ນແມ່ນ: ການເຜີຍແຜ່ວຽກງານຂອງສານ ແລະ ການສ້າງຖານຂໍ້ມູນດ້ານກົດໝາຍຜ່ານເວັບໄຊຂອງສານປະຊາຊົນ, ເພດເຟດສ໌ບຸກ, ສໍາເລັດການສ້າງຄໍາແນະນໍາຂອງສານປະຊາຊົນສູງສຸດວ່າດ້ວຍການຮັບຮູ້ຜົນການແກ້ໄຂຂໍ້ຂັດແຍ່ງທາງດ້ານເສດຖະກິດພາຍໃນ ແລະ ຕ່າງປະເທດ, ກໍານົດການສ້າງສານໃຫ້ເປັນສານທັນສະໄໝເຂົ້າໃນແຜນພັດທະນາສານປະຊາຊົນ 5 ປີ ຄັ້ງທີ IV, ຊຸກຍູ້ສົ່ງເສີມພະນັກງານຂອງສານເຂົ້າຮ່ວມຝຶກອົບຮົມດ້ານວິຊາສະເພາະຕ່າງໆຢ່າງເປັນປົກກະຕິ, ເອົາໃຈໃສ່ໃນການພົວພັນຮ່ວມມື ແລະ ແກ້ໄຂບັນຫາເດັກນ້ອຍຕາມຊາຍແດນໃນຂອບເຂດ 2 ຝ່າຍ ແລະ ຫຼາຍຝ່າຍ ແລະ ໄດ້ຖືສໍາຄັນວຽກງານການໂຕ້ຖຽງ ໂຕ້ແຍ່ງຄະດີໃນທີ່ປະຊຸມສານເປັນບັນຫາພື້ນຖານໃນການຊັ່ງຊາຕີລາຄາຂໍ້ມູນຫຼັກຖານ ແລະ ຕັດສິນ-ພິພາກສາຄະດີ.
ກອງປະຊຸມດັ່ງກ່າວ ໄດ້ອອກຖະແຫຼງການຄັ້ງທີ XI ຮ່ວມກັນ (Cebu Declaration), ຊຶ່ງຕິດພັນກັບຫຼາຍປະເດັນທີ່ສຳຄັນ ເປັນຕົ້ນ: ຮັບຮອງເອົາຜົນການຈັດຕັ້ງປະຕິບັດວຽກງານ ແລະ ທິດທາງແຜນການຂອງບັນດາຄະນະປະຕິບັດງານ ຫຼື ກຸ່ມວຽກງານຕ່າງໆຄື: (1) ວຽກງານການສ້າງຖານຂໍ້ມູນຂ້າວສານດ້ານຕຸລາການອາຊຽນ, (2) ວຽກງານການສ້າງເງື່ອນໄຂອໍານວຍຄວາມສະດວກດ້ານການດໍາເນີນຄະດີແພ່ງລະຫວ່າງປະເທດ, (3) ວຽກງານການບໍລິຫານສານ ແລະ ການສ້າງສານທັນສະໄໝ, (4) ວຽກງານການຝຶກອົບຮົມ ແລະ ການສຶກສາດ້ານຕຸລາການອາຊຽນ, (5) ວຽກງານການແກ້ໄຂຂໍ້ຂັດແຍ່ງກ່ຽວກັບເດັກຕາມຊາຍແດນ, (6) ວຽກງານການໄຕ່ສວນຄະດີທາງອອນລາຍ, (7) ວຽກງານການພົວພັນຮ່ວມມືກັບຄູ່ຮ່ວມພັດທະນາ (ສປ ຈີນ, ຍີ່ປຸ່ນ ແລະ ເກົາຫຼີໃຕ້) ແລະ (8) ແຜນງານຂອງ CACJ ພ້ອມດຽວກັນນີ້ ກໍຍັງໄດ້ຮັບຮອງການສ້າງຕັ້ງຄະນະປະຕິບັດງານໃໝ່ຂຶ້ນຕື່ມຈໍານວນ 2 ກຸ່ມຄື: ກຸ່ມການສຶຶກສາດ້ານຕຸລາການກ່ຽວກັບການປ່ຽນແປງຂອງສະພາບດິນຟ້າອາກາດ ແລະ ກຸ່ມການສຶກສາກ່ຽວກັບກົດໝາຍລົ້ມລະລາຍ (ບຸກຄົນລົ້ມລະລາຍ).
ຄຽງຄູ່ກັບກອງປະຊຸມສະພາຕຸລາການອາຊຽນ ຄັ້ງທີ XI ກໍຍັງມີກອງປະຊຸມອື່ນໆທີ່ປິ່ນອ້ອມຄື: (1) ກອງປະຊຸມສະພາສະມາຄົມນັກກົດໝາຍອາຊຽນຄັ້ງທີ 45 (45th ASEAN Law Association Council) ຊຶ່ງເປັນກອງປະຊຸມສໍາລັບສະມາຄົມນັກກົດໝາຍຂອງບັນດາປະເທດສະມາຊິກອາຊຽນ ກອງປະຊຸມດັ່ງກ່າວ ໄດ້ຮັບຮອງຜົນການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ກໍານົດທິດທາງແຜນການເຄື່ອນໄຫວໃນຕໍ່ໜ້າ, (2) ກອງປະຊຸມຄັ້ງທີ 1 ສໍາລັບຜູ້ພິພາກສາອາຊຽນວ່າດ້ວຍກົດໝາຍລົ້ມລະລາຍ (First Meeting of ASEAN Insolvency Judges) ກອງປະຊຸມນີ້ ເປັນກອງປະຊຸມສໍາມະນາວິຊາການຄັ້ງທີ 1 ຂອງຜູ້ພິພາກສາອາຊຽນທີ່ຮັບຜິດຊອບຄະດີລົ້ມລະລາຍ ເພື່ອເປັນເວທີໃນການສົນທະນາແລກປ່ຽນບົດຮຽນ, ປະສົບການ ເຊິ່ງກັນ ແລະ ກັນ ພ້ອມທັງກໍານົດແນວທາງຮ່ວມມືກັນຂອງບັນດາປະເທດອາຊຽນ ແລະ (3) ກອງປະຊຸມຄັ້ງທີ 2 ຂອງສະພາຕຸລາການອາຊຽນ ຮ່ວມກັບຄູ່ຮ່ວມພັດທະນາ (ຈີນ, ຍີ່ປຸ່ນ ແລະ ເກົາຫຼີໃຕ້) ຫຼື (2nd ASEAN+ Meeting) ກອງປະຊຸມດັ່ງກ່າວນີ້ ໄດ້ລົງເລິກສົນທະນາຫົວຂໍ້: ການບໍລິຫານຄະດີ ຕິດພັນກັບການສ້າງສານທັນສະໄໝ ແລະ ການໄຕ່ສວນຄະດີທາງອອນລາຍ ຊຶ່ງເປັນເນື້ອໃນທີ່ສໍາຄັນ ແລະ ສອດຄ່ອງກັບການເຊື່ອມໂຍງທາງດ້ານຕຸລາການຂອງບັນດາປະເທດອາຊຽນ ແລະ ຄູ່ຮ່ວມມືພັດທະນາ.

21/11/2024

ໃນຕອນເຊົ້າ ຂອງວັນທີ 19 ພະຈິກ 2024 ສານປະຊາຊົນເຂດ I ແຂວງ ວຽງຈັນ ໄດ້ຈັດພິທີປະກາດການຈັດຕັ້ງສານປະຊາຊົົນເຂດ Iໂດຍໃຫ້ກຽດເປັນປະທານກອງປະຊຸມ ຂອງ ທ່ານ ຄຳພັນ ບຸນພາຄົມ ຮອງປະທານສານປະຊາຊົນສູງສຸດ, ມີພະນັກງານຈາກ ສານປະຊາຊົນເຂດ, ສານປະຊາຊົນແຂວງ ເຂົ້າຮ່ວມ.
ພິທີດັ່ງກ່າວ ທ່ານ ນາງ ແພງໃຈ ດວງຄໍາພັນ ຮອງຫົວໜ້າພະແນກ ກົມຈັດຕັ້ງ-ພະ ນັກງານ ສານປະຊາຊົນສູງສຸດ ໄດ້ຜ່ານ ມະຕິຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງຕຳແໜ່ງບໍລິຫານ ໂດຍໃຫ້ກຽດມອບຂໍ້ຕົກລົງ ໂດຍທ່ານ ຄຳພັນ ບຸນພາຄົມ ໃຫ້ ທ່ານ ຈັນເພັງ ພິນິດ ຜູ້ພິພາກສາຊັ້ນສາມ ຮັກສາການປະທານສານປະຊາຊົນເຂດ I ແຂວງ ວຽງຈັນ ເປັນ ປະທານສານປະຊາຊົນເຂດ I ແຂວງ ວຽງຈັນ;

ເພື່ອການປະຕິບັດຕາມລະບຽບຫຼັກການຂອງພະນັກງານ - ລັດຖະກອນ ແລະ ອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງ ເພື່ອ ຊີ້ນໍາ-ນຳພາ ວຽກງານໃນຕໍ່ໜ້າ ໃຫ້ມີຄວາມເຂັ້ມແຂງ ແລະ ກ້າວໜ້າ.
ໂອກາດນີ້ ທ່ານ ຄໍາພັນ ບຸນພາຄົມ ຮອງປະທານສານປະຊາຊົນສູງສຸດ ໄດ້ໂອ້ລົມຊີ້ທິດເຍືອງທາງ ໂດຍທ່ານໄດ້ເນັ້ນໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ຕ້ອງເອົາໃຈໃສ່ກຳແໜ້ນພາລະບົດບາດ,​ ສິດ,​ ໜ້າທີ່ ແລະ ຄວາມຮັບຜິດຊອບການເມືອງຂອງຕົນ, ເຕົ້າໂຮມຄວາມສາມັກຄີ ພາຍໃນໃຫ້ເປັນປຶກແຜ່ນແໜ້ນໜາ,​ ປະຕິບັດໜ້າທີ່ໃນການຮັບໃຊ້ປະຊາຊົນ, ປົກປ້ອງກົດໝາຍ, ນໍາເອົາຄວາມຍຸຕິທຳມາສູ່ສັງຄົມ, ເຂັ້ມງວດປະຕິບັດກົດໝາຍ,​ ຈັນຍາບັນ​ - ຈັນຍາທຳ ດ້ານວິຊາຊີບ, ເອົາໃຈໃສ່ການພິຈາລະນາແກ້ໄຂຄະດີ ໃຫ້ມີຄວາມຖືກຕ້ອງ, ໂປ່ງໃສ, ຍຸຕິທຳ ແລະ ພ້ອມກັນເຮັດໜ້າທີ່ຕາມການມອບໝາຍ​ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ.

21/11/2024

ໃນວັນທີ 14 ພະຈິກ 2024, ຢູ່ທີ່ຫ້ອງປະຊຸມ ຊັ້ນ1 ຂອງຫ້ອງວ່າການແຂວງ ບໍ່ແກ້ວ ໄດ້ມີພິທີປະກາດການຈັດຕັ້ງຂອງສານປະຊາຊົນແຂວງ ໂດຍມີໃຫ້ກຽດເປັນປະທານຂອງ ທ່ານ ສຈ.ປອ. ນາງ ວຽງທອງ ສີພັນດອນ ເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ແລະ ທ່ານ ປອ ທອງຈັນ ມະນີໄຊ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍ່ແກ້ວ, ເຊິ່ງໃນພິທີຄັ້ງນີ້ໄດ້ມີບັນດາຫົວໜ້າກົມ-ຮອງກົມ, ຫົວໜ້າ-ຮອງຫົວໜ້າພະແນກການ-ອົງການທີ່ກ່ຽວຂ້ອງ ແລະ ບັນດາຜູ້ພິພາກສາ, ຜູ້ຊ່ວຍຜູ້ພິພາກສາ, ຈ່າສານ ແລະ ພະນັກງານສານປະຊາຊົນແຂວງ, ສານປະຊາຊົນເຂດ 1 ແລະ ສານປະຊາຊົນ ເຂດ2 ແຂວງ ບໍ່ແກ້ວ ເຂົ້າຮ່ວມທັງໝົດ.
ໃນພິທີປະກາດການຈັດຕັ້ງຄັ້ງນີ້ ທ່ານ ສາກົນ ໄຊຍະລາດ ຮອງຫົວໜ້າກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຜ່ານມະຕິຕົກລົງ ຂອງຄະນະປະຈໍາສະພາແຫ່ງຊາດ ວ່າດ້ວຍການແຕ່ງຕັ້ງປະທານ-ຮອງປະທານ ສານປະຊາຊົນທ້ອງຖິ່ນ ຄືດັ່ງນີ້:
1/ ແຕ່ງຕັ້ງ ທ່ານ ບຸນສີ ໂພທິລາດ ຜູ້ພິພາກສາ ຊັ້ນສາມ ຮັກສາການປະທານສານປະຊາຊົນແຂວງ ເປັນປະທານສານປະຊາຊົນແຂວງບໍ່ແກ້ວ;
2/ ແຕ່ງຕັ້ງທ່ານ ທອງຫຼໍ່ ສີຫາໂຄດ ຜູ້ພິພາກສາຊັ້ນສາມ ຫົວໜ້າຄະນະສານເດັກ ສານປະຊາຊົນແຂວງ ເປັນຮອງປະທານສານປະຊາຊົນແຂວງ;
3/ ທ່ານ ຈ່າວ ຫວ່າງຈູເຕັ່ງ ຜູ້ພິພາກສາ ຊັ້ນສາມ ຫົວໜ້າຄະນະສານການຄ້າ ສານປະຊາຊົນແຂວງ ເປັນຮອງປະທານສານປະຊາຊົນແຂວງ;
4/ ທ່ານ ພົງເພັດ ຜູ້ພິພາກສາ ຊັ້ນສາມ ຫົວໜ້າຄະນະສານຄະດີແພ່ງ ສານປະຊາຊົນແຂວງ ເປັນຮອງປະທານສານປະຊາຊົນແຂວງ;
5/ ທ່ານ ເອລາວັນ ວັນນະວົງ ຜູ້ພິພາກສາ ຊັ້ນສອງ ຮັກສາການປະທານສານປະຊາຊົນເຂດ2 ເປັນປະທານສານປະຊາຊົນເຂດ2.
ນອກຈາກນີ້, ຜ່ານຂໍ້ຕົກລົງ ຂອງທ່ານປະທານສານປະຊາຊົນສູງສຸດ ວ່າດ້ວຍ ການສັບປ່ຽນບ່ອນປະຈໍາການ ແລະ ແຕ່ງຕັ້ງຜູ້ຮັກສາການປະທານສານປະຊາຊົນເຂດ1 ຄືດັ່ງນີ້:
1/ ສັບປ່ຽນບ່ອນປະຈຳການຂອງ ທ່ານ ສູນທອນ ໄຊຍະວົງ ຜູ້ພິພາກສາ ຊັ້ນສາມ ປະທານສານປະຊາຊົນເຂດ1 ໄປປະຈຳການຢູ່ ສານປະຊາຊົນແຂວງ ບໍ່ແກ້ວ ເປັນຫົວໜ້າຄະນະສານແຮງງານ;
2/ ແຕ່ງຕັ້ງທ່ານ ຄຳສຸກ ພັນທະສັກ ຜູ້ພິພາກສາ ຊັ້ນສອງ ເປັນຜູ້ຮັກສາການປະທານສານປະຊາຊົນເຂດ1 ຈົນກວ່າຈະມີການປ່ຽນແປງ.
ໃນໂອກາດທີ່ມີຄວາມໝາຍ-ສໍາຄັນໃນຄັ້ງນີ້, ທ່ານ ສຈ.ປອ. ນາງ ວຽງທອງ ສີພັນດອນ ເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ໄດ້ໃຫ້ກຽດປະດັບຊັ້ນ ແລະ ມອບມະຕິຂອງຄະນະປະຈຳສະພາແຫ່ງຊາດ ໃຫ້ແກ່ປະທານ-ຮອງປະທານສານປະຊາຊົນແຂວງ ແລະ ປະທານສານປະຊາຊົນເຂດ2 ຕາມລຳດັບ. ພ້ອມທັງມີຄຳເຫັນໂອ້ລົມເນັ້ນໜັກໃຫ້ປະທານ-ຮອງປະທານສານປະຊາຊົນ ແລະ ປະທານສານປະຊາຊົນເຂດ1 ແລະ ເຂດ 2 ຕະຫຼອດຮອດພະນັກງານສານປະຊາຊົນແຂວງ ແລະ ສານປະຊາຊົນເຂດ ທັງ2ເຂດ ທຸກທ່ານ ຕ້ອງສຸມໃສ່ໃນການຕັດສິນ-ພິພາກສາຄະດີ, ໃນການຕັດສິນຄະດີຕ້ອງມີການໄຕ່ຕອງຢ່າງຈະແຈ້ງຊັດເຈນ, ເພື່ອຕັດສິນຄະດີໃຫ້ຖືກຕ້ອງທ່ຽງທຳ, ການເຮັດວຽກງານຂອງພະນັກງານ ຕ້ອງຮັກສາຈັນຍາບັນ-ຈັນຍາທຳ, ມີນ້ຳໃຈຮັກຊາດ, ຮັບໃຊ້ປະຊາຊົນຢ່າງແທ້ຈິງ, ສືບຕໍ່ຍົກສູງພາລະບົດບາດການນຳ ພາໃນຂັ້ນຕ່າງໆ ເພື່ອເປັນເອກະພາບກັນໃນການຈັດຕັ້ງປະຕິບັດວຽກງານໃຫ້ບັນລຸຜົນສຳເລັດຢ່າງຕັ້ງໜ້າ.
ໃນໂອກາດທີ່ໄດ້ມາເຮັດວຽກຢູ່ແຂວງ ບໍ່ແກ້ວ ໃນຄັ້ງນີ້ທ່ານ ສຈ.ປອ. ນາງ ວຽງທອງ ສີພັນດອນ ເລຂາທິການສູນກາງພັກ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ພ້ອມຄະນະໄດ້ນຳເອົາຄອມພິວເຕີຕັ້ງໂຕະ ແລະ ປິ່ນເຕີ ຈຳນວນ 3 ຊຸດ ພ້ອມດ້ວຍອຸປະກອນເຄື່ອງຮັບໃຊ້ຫ້ອງການຈຳນວນໜຶ່ງມາມອບໃຫ້ສານປະຊາຊົນແຂວງ ແລະ ສານປະຊາຊົນເຂດ ເພື່ອນຳໃຊ້ເຂົ້າໃນວຽກງານວິຊາສະ ເພາະໃຫ້ມີຄວາມສະດວກ ແລະ ຫັນ ເປັນທັນສະໄໝ.

20/11/2024

ໃນຕອນເຊົ້າວັນທີ 15 ພະຈິກ 2024 ຜ່ານມານີ້ ສານປະຊາຊົນພາກເໜືອ ໄດ້ຈັດພິທີປະກາດການແຕ່ງຕັ້ງປະທານສານປະຊາຊົນພາກເໜືອ ແລະ ປະທານສານປະຊາຊົນເຂດ1 ແຂວງຫຼວງພະບາງ ຂຶ້ນທີ່ຫ້ອງປະຊຸມສະພາປະຊາຊົນ ແຂວງຫຼວງພະບາງ ໂດຍເປັນກ່ຽດປະທານຂອງທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ມີບັນດາທ່ານ ຄະນະພັກແຂວງ, ການນໍາແຂວງຫຼວງພະບາງ, ມີປະທານ, ຮອງປະທານ, ຫົວໜ້າຄະນະສານ, ຜູ້ພິພາກສາ, ພະນັກງານຂອງສານປະຊາຊົນພາກເໜືອ, ສານປະຊາຊົນແຂວງ ແລະ ສານປະຊາຊົນ 4 ເຂດ ແຂວງຫຼວງພະບາງ ພ້ອມທັງແຂກຖືກເຊີນຈາກພະແນກການອ້ອມຂ້າງເຂົ້າຮ່ວມ. ໃນພິທີ, ທ່ານ ສາກົນ ໄຊຍະລາດ ຮອງຫົວໜ້າກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຂຶ້້ນຜ່ານມະຕິຂອງຄະນະປະຈຳສະພາແຫ່ງຊາດ ສະບັບເລກທີ 263/ຄປຈ, ລົງວັນທີ 12 ພະຈິກ 2024 ວ່າດ້ວຍການແຕ່ງຕັ້ງ ທ່ານ ທອງໄມ ມູນບັນດິດ ຜູ້ພິພາກສາຊັ້ນສີ່ ຮັກສາການປະທານສານປະຊາຊົນພາກເໜືອ ເປັນປະທານສານປະຊາຊົນພາກເໜືອ; ຜ່ານມະຕິຂອງຄະນະປະຈຳສະພາແຫ່ງຊາດ ສະບັບເລກທີ 269/ຄປຈ, ລົງວັນທີ 12 ພະຈິກ 2024 ວ່າດ້ວຍການແຕ່ງຕັ້ງ ທ່ານ ວາຊີຕາ ວື່ໜາວກີ່ ຜູ້ພິພາກສາ ຊັ້ນສາມ ຮັກສາການປະທານສານປະຊາຊົນເຂດ I ແຂວງຫຼວງພະບາງ ເປັນປະທານສານປະຊາຊົນເຂດ I ແຂວງຫຼວງພະບາງ ແລະ ຜ່ານຂໍ້ຕົກລົງຂອງປະທານສານປະຊາຊົນສູງສຸດ ສະບັບເລກທີ 2057/ສປສສ, ສະບັບເລກທີ 2058/ສປສສ, ລົງວັນທີ 12 ພະຈິກ 2024 ວ່າດ້ວຍການແຕ່ງຕັ້ງຈ່າສານຂອງສານປະຊາຊົນເຂດ I ແລະ ເຂດ II ແຂວງຫຼວງພະບາງ ຈຳນວນ 02 ທ່ານ ຈາກນັ້ນ ທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ກໍໄດ້ໃຫ້ກຽດຂຶ້ນມອບມະຕິແຕ່ງຕັ້ງ ແລະ ປະດັບຊັ້ນໃຫ້ຜູ້ທີ່ຖືກແຕ່ງຕັ້ງຢ່າງສົມກຽດ
ໃນພິທີ ທີ່ມີຄວາມໝາຍຄວາມສຳຄັນນີ້ ທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ກໍໄດ້ໃຫ້ກຽດໂອ້ລົມຕໍ່ພິທີ ກ່ອນອື່ນທ່ານໄດ້ຕີລາຄາສູງຕໍ່ຄວາມຕັ້ງໃຈ, ຄວາມກະຕືລືລົ້ນ ຂອງຜູ້ທີ່ໄດ້ຮັບຕຳແໜ່ງພະນັກງານນຳພາ-ຄຸ້ມຄອງໃໝ່ໃນຄັ້ງນີ້ ທີ່ມີຄວາມມານະອົດທົນ, ບໍ່ມີແນວຄິດທໍ້ຖອຍ, ເຮັດທຸກສິ່ງທຸກຢ່າງດ້ວຍຄວາມຮັບຜິດຊອບສູງ ຈົນໄດ້ຮັບຄວາມໄວ້ວາງໃຈຈາກການນຳຂັ້ນສູງເວົ້າລວມ ເວົ້າສະເພາະກໍຄືການນຳຂອງແຂວງ ຈຶ່ງໄດ້ມອບໜ້າທີຕຳແໜ່ງທີມີກຽດໃຫ້ຮັບຜິດຊອບ ນຳພາ-ຊີ້ນຳ ແລະ ທ່ານຍັງເນັ້ນໜັກໃນການຮັບໜ້າທີ່ຕຳແໜ່ງຄັ້ງນີ້ ຕ້ອງຕິດພັນກັບຄຸນທາດການເມືອງ, ຄຸນສົມບັດສິນທຳປະຕິວັດ, ຕິດພັນກັບຈັນຍາບັນ-ຈັນຍາທຳ, ຍຶດຖືອຸດົມການຂອງພັກເປັນຈຸດຢືນ, ບໍ່ໃຫ້ຖືການຊີ້ນຳຫຼາຍກ່ວາການນຳພາ, ໃຫ້ມີການລົງແນະນໍາ-ນໍາພາເຮັດຕົວຈິງໃນຂົງເຂດຂອງຕົນຮັບຜິດຊອບ, ຕ້ອງມີຄວາມເຂັ້ມງວດຕໍ່ລະບຽບ ມີການສຳຫຼວດກວດກາຕໍ່ຕົນເອງ ແລະ ໝູ່ຄະນະ, ຖືເອົາການເຕົ້າໂຮມຄວາມສາມັກຄີເປັນຫຼັກ, ດ້ານການແກ້ໄຂພິພາກສາຄະດີຕ້ອງເປັນໝູ່ຄະນະ ແລະ ເປັນກາງ ມີຄວາມລະອຽດຖີ່ຖ້ວນ ຫັດກຸມ, ສົມທົບກັບການນຳຂອງແຂວງ ກ່ຽວກັບການນຳພາ-ຊີ້ນຳ, ກົນໄກການເຮັດວຽກ ເຮັດເປັນຈຸດສຸມ ເປັນຕົ້ນແມ່ນການປະເມີນຜູ້ພິພາກສາດີ-ເກັ່ງ ພ້ອມນີ້ຕ້ອງມີການຕິດຕາມກວດກາຄືນຜົນຂອງການແກ້ໄຂຄະດີຕາມລະບຽບກົດໝາຍ. ນຳເອົາຄວາມຮູ້ຄວາມສາມາດ ແລະ ປະສົບການທີ່ຜ່ານມາຂອງຕົນເອງເຂົ້າມາປັບປຸງ ແລະ ພັດທະນາສານທ້ອງຖິ່ນ 7 ແຂວງພາກເໜືອ ໃຫ້ມີຄວາມກ້າວໜ້າ ແລະ ທັນສະໄໝຂຶ້ນໄປເລື້ອຍໆ.
ໃນຕອນທ້າຍພິທີ ທ່ານ ສຈ, ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ກໍໄດ້ໃຫ້ກຽດມອບອຸປະກອນເຄື່ອງໃຊ້ຫ້ອງການຈຳນວນໜຶ່ງ ໃຫ້ສານປະຊາຊົນຂັ້ນທ້ອງຖິ່ນ ມີຄອມພິວເຕີໂນດບຸກໃຫ້ສານປະຊາຊົນພາກເໜືອ 01 ເຄື່ອງ, ສານປະຊາຊົນແຂວງຫຼວງພະບາງ 01 ເຄື່ອງ ແລະ ເຈ້ຍເອຊີ່ 04 ແກັດ ໃຫ້ສານປະຊາຊົນ 03 ເຂດ ແຂວງຫຼວງພະບາງ,ຈາກນັ້ນ ທ່ານ ທອງໄມ ມູນບັນດີ ຜູ້ພິພາກສາ ຊັ້ນສີ່ ປະທານສານປະຊາຊົນພາກເໜືອ ກໍໄດ້ຕາງໜ້າຜູ້ທີ່ຖືກແຕງຕັ້ງໃໝ່ຂຶ້ນກ່າວຮັບຄໍາໂອ້ລົມ, ຂອບໃຈ ແລະ ມອບກະຕ່າອວຍພອນທ່ານປະທານສານປະຊາຊົນສູງສຸດ ແລະ ພິທີ ກໍໄດ້ອັດລົງດ້ວຍຜົນສຳເລັດອັນຈົບງາມ

17/11/2024

ໃນຕອນເຊົ້າ ຂອງວັນທີ 15 ພະຈິກ 2024 ທີ່ຜ່ານມານີ້, ສານປະຊາຊົນແຂວງ ບໍລິຄຳໄຊ ໄດ້ຈັດພິທີປະກາດການຈັດຕັ້ງ ສານປະຊາຊົນເຂດ I ແລະ ສານປະຊາຊົນແຂວງ ບໍລິຄຳໄຊ ໂດຍໃຫ້ກຽດເປັນປະທານກອງປະຊຸມ ຂອງ ທ່ານ ຄຳພັນ ບຸນພາຄົມ ຄະນະປະຈຳພັກ, ຮອງປະທານສານປະຊາຊົນສູງສຸດ, ມີພະນັກງານຈາກ ສານປະຊາຊົນເຂດ, ສານປະຊາຊົນແຂວງ ເຂົ້າຮ່ວມ.
ພິທີດັ່ງກ່າວ ທ່ານ ຂຸນສຸວັນ ສຸທໍາມະວົງ ຄະນະປະຈໍາພັກ, ຫົວໜ້າກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຜ່ານຂໍ້ຕົກລົງຂອງປະທານສານປະຊາຊົນສູງສຸດ ວ່າດ້ວຍການແຕ່ງຕັ້ງຕຳແໜ່ງບໍລິຫານ ໂດຍໃຫ້ກຽດມອບຂໍ້ຕົກລົງ ໂດຍທ່ານ ຄຳພັນ ບຸນພາຄົມ ໃຫ້ ທ່ານ ສົມມານະ ຈັນທະລານຸສອນ ຜູ້ພິພາກສາຊັ້ນສາມ ຮອງປະທານສານປະຊາຊົນເຂດ I ແຂວງບໍລິຄຳໄຊ ເປັນ ຜູ້ຮັກສາການ ປະທານສານປະຊາຊົນເຂດ I ແຂວງບໍລິຄຳໄຊ ແລະ ສັບປ່ຽນບ່ອນປະຈຳການທ່ານ ນາງ ສີບຸນຍອນ ພິມມະສອນ ຜູ້ພິພາກສາຊັ້ນສາມ ຮອງປະທານສານປະຊາຊົນນະຄອນຫຼວງວຽງຈັນ ໄປປະຈຳການຢູ່ສານປະຊາຊົນແຂວງ ບໍລິຄຳໄຊ ເປັນຮອງປະທານສານປະຊາຊົນແຂວງບໍລິຄຳໄຊ.
ເພື່ອປະຕິບັດຕາມລະບຽບຫຼັກການຂອງພະນັກງານ - ລັດຖະກອນ ແລະ ອີງຕາມຄວາມ ຮຽກຮ້ອງຕ້ອງການຂອງໜ້າທີ່ວຽກງານຕົວຈິງ ເພື່ອ ຊີ້ນໍາ-ນຳພາ ວຽກງານໃນຕໍ່ໜ້າ ໃຫ້ມີຄວາມເຂັ້ມແຂງ ແລະ ກ້າວໜ້າ.
ໂອກາດນີ້ ທ່ານ ຄໍາພັນ ບຸນພາຄົມ ຄະນະປະຈຳພັກ, ຮອງປະທານສານປະຊາຊົນສູງສຸດ ໄດ້ໂອ້ລົມຊີ້ທິດເຍືອງທາງ ໂດຍທ່ານໄດ້ເນັ້ນໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ຕ້ອງເອົາໃຈໃສ່ກຳແໜ້ນພາລະບົດບາດ,​ ສິດ,​ ໜ້າທີ່ ແລະ ຄວາມຮັບຜິດຊອບການເມືອງຂອງຕົນ, ເຕົ້າໂຮມຄວາມສາມັກຄີ ພາຍໃນໃຫ້ເປັນປຶກແຜ່ນແໜ້ນໜາ,​ ປະຕິບັດໜ້າທີ່ໃນການຮັບໃຊ້ປະຊາຊົນ, ປົກປ້ອງກົດໝາຍ, ນໍາເອົາຄວາມຍຸຕິທຳມາສູ່ສັງຄົມ, ເຂັ້ມງວດປະຕິບັດກົດໝາຍ,​ ຈັນຍາບັນ​ - ຈັນຍາທຳ ດ້ານວິຊາຊີບ, ເອົາໃຈໃສ່ການພິຈາລະນາແກ້ໄຂຄະດີ ໃຫ້ມີຄວາມຖືກຕ້ອງ, ໂປ່ງໃສ, ຍຸຕິທຳ ແລະ ພ້ອມກັນເຮັດໜ້າທີ່ຕາມການມອບໝາຍ​ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ.

15/11/2024

ໃນຕອນເຊົ້າ ຂອງວັນທີ 14 ພະຈິກ 2024 ຜ່ານມານີ້ ສານປະຊາຊົນແຂວງ ຊຽງຂວາງ ໄດ້ຈັດພິທີປະກາດການຈັດຕັ້ງ ປະທານສານປະຊາຊົນເຂດ III ແຂງ ຊຽງຂວາງ ໂດຍໃຫ້ກຽດເປັນປະທານກອງປະຊຸມ ຂອງ ທ່ານ ຄຳພັນ ບຸນພາຄົມ ຮອງປະທານສານປະຊາຊົນສູງສຸດ, ມີພະນັກງານຈາກ ສານປະຊາຊົນ ເຂດ, ສານປະຊາຊົນແຂວງ ເຂົ້າຮ່ວມ.
ພິທີດັ່ງກ່າວ ທ່ານ ຂຸນສຸວັນ ສຸທໍາມະວົງ ຄະນະປະຈໍາພັກ, ຫົວໜ້າກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຜ່ານມະຕິຕົກລົງ ຂອງຄະນະປະຈໍາສະພາແຫ່ງຊາດ ວ່າດ້ວຍ ການແຕ່ງຕັ້ງປະທານສານປະຊາຊົນທ້ອງຖິ່ນ ໃຫ້ກຽດມອບມະຕິຕົງລົງ ໂດຍທ່ານ ຄຳພັນ ບຸນພາຄົມ ຄະນະປະຈຳພັກ ຮອງປະທານສານປະຊາຊົນສູງສຸດ
ໃຫ້ ທ່ານ ທົງສະຫວັດ ອິນທະແສງ ຜູ້ພິພາກສາຊັ້ນສາມ ຮັກສາການປະທານສານປະຊາຊົນເຂດ III ແຂວງ ຊຽງຂວາງ ຂຶ້ນເປັນປະທານສານປະຊາຊົນເຂດ III ແຂວງ ຊຽງຂວາງ.

ເພື່ອການປະຕິບັດຕາມລະບຽບຫຼັກການຂອງພະນັກງານ - ລັດຖະກອນ ແລະ ອີງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານຕົວຈິງ ເພື່ອ ຊີ້ນໍາ-ນຳພາ ວຽກງານໃນຕໍ່ໜ້າ ໃຫ້ມີຄວາມເຂັ້ມແຂງ ແລະ ກ້າວໜ້າ.
ໂອກາດນີ້ ທ່ານ ຄໍາພັນ ບຸນພາຄົມ ຮອງປະທານສານປະຊາຊົນສູງສຸດ ໄດ້ໂອ້ລົມຊີ້ທິດເຍືອງທາງ ໂດຍທ່ານໄດ້ເນັ້ນໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ຕ້ອງເອົາໃຈໃສ່ກຳແໜ້ນພາລະບົດບາດ, ສິດ, ໜ້າທີ່ ແລະ ຄວາມຮັບຜິດຊອບການເມືອງຂອງຕົນ, ເຕົ້າໂຮມຄວາມສາມັກຄີ ພາຍໃນໃຫ້ເປັນປຶກແຜ່ນແໜ້ນໜາ, ປະຕິບັດໜ້າທີ່ໃນການຮັບໃຊ້ປະຊາຊົນ, ປົກປ້ອງກົດໝາຍ, ນໍາເອົາຄວາມຍຸຕິທຳມາສູ່ສັງຄົມ, ເດັດດ່ຽວຕ້ານ ແລະ ສະກັດກັ້ນປະກົດການຫຍໍ້ທໍ້ໃນຖັນແຖວສະມາຊິກພັກ - ພະນັກງານ, ເຂັ້ມງວດປະຕິບັດກົດໝາຍ, ຈັນຍາບັນ - ຈັນຍາທຳ ດ້ານວິຊາຊີບ, ເອົາໃຈໃສ່ການພິຈາລະນາແກ້ໄຂຄະດີ ໃຫ້ມີຄວາມຖືກ ຕ້ອງ, ໂປ່ງໃສ, ຍຸຕິທຳ ແລະ ພ້ອມກັນເຮັດໜ້າທີ່ຕາມການມອບໝາຍ ໃຫ້ມີຜົນສໍາເລັດ ໃໝ່ໃຫຍ່ຫຼວງກວ່າເກົ່າ.

14/11/2024

ໃນວັນທີ13 ພະຈິກ 2024 ທີ່ສານປະຊາຊົນແຂວງຫົວພັນໄດ້ຈັດພິທີປະກາດການຈັດຕັ້ງພະນັກງານສານປະຊາຊົນແຂວງຫົວພັນ. ພາຍໃຕ້ການເປັນປະທານຂອງທ່ານ ປອ ອານົງ ຍອຍສາຍຄຳ ປະທານຄະນະກວດກາພັກ, ຮອງປະທານສານປະຊາຊົນສູງ ຊຶ່ງມີຮອງປະທານສານປະຊາຊົນແຂວງຫົວພັນ, ມີຜູ້ຕາງໜ້າພະແນກການອ້ອມຂ້າງທີ່ກ່ຽວ, ມີຜູ້ພິພາກສາ ແລະ ພະນັກງານຂອງສານປະຊາຊົນແຂວງຫົວພັນເຂົ້າຮ່ວມຢ່າງພ້ອມພຽງ. ໃນພິທີທ່ານ ນາງ ວິໄລວັນ ຈັນທະມາລີ ຫົວໜ້າພະແນກກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຜ່ານຂໍ້ຕົກລົງວ່າດ້ວຍ ຮັບເອົາພະນັກງານຈາກພາກສ່ວນອື່ນ. ຮັບເອົາ ທ່ານ ອານຸເດດ ສີຄຳໄຊ ກຳມະການພັກແຂວງ, ຫົວໜ້າພະແນກຍຸຕິທໍາແຂວງຫົວພັນ ມາປະຈຳການຢູ່ສານປະຊາຊົນແຂວງຫົວພັນ ແລະ ຜ່ານຂໍ້ຕົກລົງວ່າດ້ວຍແຕ່ງຕັ້ງຜູ້ຮັກສາການ ປະທານສານປະຊາຊົນແຂວງຫົວພັນ ແຕ່ຕັ້ງທ່ານ ອານຸເດດ ສີຄຳໄຊ ກຳມະການພັກແຂວງ, ຫົວໜ້າພະແນກຍຸຕິທຳແຂວງຫົວພັນ ເປັນຜູ້ຮັກສາການ ປະທານສານປະຊາຊົນແຂວງຫົວພັນແລະ ແຕ່ງຕັ້ງຮອງຫົວໜ້າຄະນະສານຂອງສານປະຊາຊົນແຂວງ-ສານປະຊາຊົນເຂດຈຳນວນໜຶ່ງ

14/11/2024

ໃນວັນທີ 08 ພະຈິກ 2024 ທີ່ ນະຄອນປາກເຊ ແຂວງ ຈໍາປາສັກ ຜ່ານມານີ້, ສະຖາບັນຄົ້ນຄວ້າ ແລະ ຝຶກອົບຮົມ ສານປະຊາຊົນສູງສຸດ ໄດ້ຈັດພິທີປິດຝຶກອົບຮົມວຽກງານຈ່າສານ ຊຸດທີ VII ໃຫ້ແກ່ພະນັກງານສານປະຊາຊົນ ໃນຂອບເຂດພາກໃຕ້. ໃນພິທີຄັ້ງນີ້ ໃຫ້ກຽດເປັນປະທານກອງປະຊຸມ ໂດຍ ທ່ານ ບຸນຂວາງ ທະວີສັກ, ຮອງເລຂາຄະນະບໍລິຫານງານພັກ, ຮອງປະທານສານປະຊາຊົນສູງສຸດ, ພ້ອມກັນນັ້ນ ມີ ທ່ານ ນາງ ຈັນໄທ ໄຊຍະວົງ ຮອງຫົວໜ້າສະຖາບັນຄົ້ນຄວ້າ ແລະ ຝຶກອົບຮົມ ຕະຫຼອດຮອດຄູອາຈານ, ຄະນະຮັບຜິດຊອບ ແລະ ນັກສໍາມະນາກອນ ກໍເຂົ້າຮ່ວມຢ່າງພ້ອມພຽງ.
ໃນພິທີປິດ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມ ໄດ້ຂຶ້ນຜ່ານບົົດສະຫຼຸບຝຶກອົບຮົມວຽກງານຈ່າສານ ຊຸດທີ VII ແລະ ກ່າວປີດພິທີຢ່າງເປັນທາງການ. ພິເສດ ໃນພິທີດັ່ງກ່າວ ທ່ານ ບຸນຂວາງ ທະວີສັກ, ຮອງເລຂາຄະນະບໍລິຫານງານພັກ, ຮອງປະທານສານປະຊາຊົນສູງສຸດ ຍັງໄດ້ໃຫ້ກຽດມອບໃບຢັ້ງຢືນ ແລະ ມີຄໍາເຫັນໂອ້ລົມ ໂດຍໄດ້ເນັ້ນບາງບັນຫາໃຫຍ່ໆ ຕໍ່ນັກສໍາມະນາກອນ ຄື: ໃຫ້ຍຶດໝັ້ນຫຼັກຈັນຍາບັນ-ຈັນຍາທໍາ ຂອງພະນັກງານສານ, ເອົາໃຈໃສ່ການປະຕິບັດໜ້າທີ່ວິຊາສະເພາະ, ການບໍລິການຮັບໃຊ້ປະຊາຊົນ, ເຮັດວຽກດ້ວຍຄວາມຮັບຜິດຊອບສູງ ຍົກສູງຄວາມຮູ້ຄວາມສາມາດ, ທັກສະ, ແລະ ຕ້ອງເອົາໃຈໃສ່ແລກປ່ຽນບົດຮຽນກັບຄູຝຶກ ແລະ ບັນດາຜູ້ເຂົ້າຮ່ວມດ້ວຍກັນ ພ້ອມດຽວກັນນັ້ນ ຕ້ອງຖື 5 ໜ້າທີ່, 4 ຄຸນສົມບັດ ແລະ 9 ຂໍ້ຫ້າມ ຂອງພະນັກງານສານ ທີ່ໄດ້ວາງອອກຢ່າງເຄັ່ງຄັດ; ພ້ອມກັນນັ້ນ ທ່ານຍັງໄດ້ເນັ້ນໃຫ້ຄະນະຮັບຜິດຊອບ ເອົາໃຈໃສ່ຕິດຕາມກວດກາ ແລະ ຄຸ້ມຄອງການຝຶກອົບຮົມ ເພື່ອເຮັດໃຫ້ການຝຶກອົບຮົມຄັ້ງນີ້ ສາມາດດໍາເນີນໄປດ້ວຍບັນຍາກາດທີ່ຝົດຟື້ນ, ໄດ້ຄຸນນະພາບ, ບັນລຸຕາມຈຸດປະສົງ ແລະ ລະດັບຄາດໝາຍທີ່ວາງໄວ້.
ການຝຶກອົບຮົມວຽກງານຈ່າສານ ຊຸດທີ VII ນີ້ ແມ່ນຈະເລີ່ມດໍາເນີນແຕ່ວັນທີ 04-08 ພະຈິກ 2024 ຫຼັກສູດ 05 ວັນ ໂດຍໄດ້ຮັບການສະໜັບສະໜູນຈາກອົງການຝຣັ່ງເພື່ອການພັດທະນາ (AFD) ຊຶ່ງໃນຊຸດຝຶກອົບຮົມຄັ້ງນີ້ ມີຜູ້ເຂົ້າຮ່ວມທັງໝົດ 30 ທ່ານ, ຍິງ 18 ທ່ານ ໃນນັ້ນ ມາຈາກສານທະຫານ 01 ທ່ານ.

12/11/2024

ໃນຕອນເຊົ້າຂອງວັນທີ່ 11 ພະຈິກ 2024 ສະຖາບັນຄົ້ນຄວ້າ ແລະ ຝຶກອົບຮົມ ສານປະຊາຊົນສູງສຸດ ໄດ້ຈັດພິທີເປີດຝຶກອົບຮົມ ຜູ້ຊ່ວຍຜູ້ພິພາກສາ ໃຫ້ພະນັກງານວິຊາການກົດໝາຍຂອງສານປະຊາຊົນ ໂດຍການເຂົ້າຮ່ວມເປັນປະທ່ານແມ່ນ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ແລະ ທ່ານ Dr Perrine Simon ITA Team Leader ;
ຈຸດປະສົງຂອງການຝຶກອົບຮົມແມ່ນສ້າງພະນັກງານວິຊາການກົດໝາຍໃຫ້ມີຄຸນທາດການເມືອງ ແລະ ຈັນຍາບັນຈັນຍາທຳ; ເພື່ອເປັນການສ້າງພະນັກງານສືບທອດຕາມສາຍວິຊາການ ແລະ ເພື່ອເຮັດໃຫ້ຜູ້ກ່ຽວມີຄວາມຮູ້ ແລະ ຄວາມເຂົ້າໃຈ ກໍຄືຄວາມເປັນເອກະພາບກັນກ່ຽວກັບການຄົ້ນຄວ້າສຳນວນຄະດີ ກໍຄືການຂຽນຄຳຕັດສິນຂອງສານ;

ນະໂອກາດດັ່ງກ່າວ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ໄດ້ຍົກໃຫ້ເຫັນວ່າ ຊຸດຝຶກອົບຮົມວຽກງານຜູ້ຊ່ວຍຜູ້ພິພາກສາ ທີ່ມີຄວາມໝາຍສໍາຄັນເປັນຢ່າງຍິ່ງ ສໍາລັບພະນັກງານຂອງສານປະຊາຊົນ ທີ່ກ້າວຂື້ນເປັນຜູ້ຊ່ວຍຜູ້ພິພາກສາ ເນຶ່ອງຈາກວ່າ ກ່ອນຈະເປັນຜູ້ຊ່ວຍຜູ້ພິພາກສາຕ້ອງໄດ້ຜ່ານການຝຶກອົບຮົມກ່ອນ ຊຶ່ງຜູ້ຊ່ວຍຜູ້ພິພາກສາ ແມ່ນບຸກຄົນໜຶ່ງໃນການຊ່ວຍຜູ້ພິພາກສາຄົ້ນຄວ້າສໍານວນຄະດີ ເພື່ອໃຫ້ຜູ້ພິພາກສາເປັນຜູ້ທີ່ຕັດສິນຊີ້ຂາດກ່ຽວກັບຄະດີ ໃຫ້ມີຄວາມຍຸຕິທໍາແກ່ສັງຄົມ. ດັ່ງນັ້ນ, ຜູ້ທີ່ຈະເປັນຜູ້ຊ່ວຍຜູ້ພິພາກສາໄດ້ຕ້ອງມີຄວາມຮູ້, ຄວາມຊໍານິຊໍານານໃນການນໍາໃຊ້ກົດໝາຍ ແລະ ທັກສະໃນການປະຕິບັດຕົວຈິງ ຢູ່ໃນແຕ່ລະຂັ້ນຕອນຂອງການດໍາເນີນຄະດີ ແລະ ພ້ອມນັ້ນຄູອາຈານທີ່ໄດ້ເຊີນມາບັນລະຍາຍກໍຕ້ອງເອົາໃຈໃສ່ສຶກສາອົບຮົມການເມືອງແນວຄິດ ໃຫ້ນັກສໍາມະນາກອນ ໃຫ້ມີນໍ້າໃຈຮັກຊາດ ຮັບໃຊ້ປະຊາຊົນ ແລະ ມີຄວາມຈົງຮັກພັກດີ ແລະ ເຊື່ອໝັ້ນຕໍ່ການນໍາພາຂອງພັກ, ເອົາໃຈໃສ່ຖ່າຍຖອດຄວາມຮູ້ ແລະ ປະສົບການທີ່ຕົນເອງມີໃຫ້ນັກຝຶກອົບຮົມນໍາໄປໝູນໃຊ້ເຂົ້າໃນວຽກງານຕົວຈິງ ໂດຍສະເພາະພາກທິດສະດີກໍ່ຕ້ອງຮຽນຮູ້ ດ້ານຄຸນທາດການເມືອງ, ຄຸນສົມບັດສິນ ທໍາປະຕິວັດ, ຈັນຍາບັນ-ຈັນຍາທໍາ, ມະນຸດສໍາພັນ ແລະ ທາງດ້ານວິຊາການກໍ່ຕ້ອງຮຽນແລ້ວຝຶກຫັດຕົວຈິງໄປພ້ອມ ເປັນຕົ້ນ ວິທີການຄົ້ນຄວ້າສຳນວນຄະດີ, ເຕັກນິກການເອົາຄໍາໃຫ້ການ, ເຕັກນິກການໄກ່ເກ່ຍ, ການເຮັດບົດສະຫຼຸບລາຍງານຜ່ານຄະດີ ແລະ ການຂຽນຄໍາຕັດສິນ. ການຝຶກອົບຮົມໃນຄັ້ງນີ້ໃຊ້ເວລາ 20 ວັນ( ບໍ່ນັບວັນຢຸດລັດຖະການ ), ນັບແຕ່ວັນທີ 11 ພະຈິກ - 06 ທັນວາ 2024 ມີຜູ້ເຂົ້າຮ່ວມທັງໝົດ 40 ທ່ານ ( ເປັນຍິງ 05 ຄົນ) ມາຈາກທ້ອງຖີ່ນ ຈຳນວນ 13 ທ່ານ, ຍິງ 03 ທ່ານ, ພາຍໃນນະຄອນຫຼວງວຽງຈັນ ຈໍານວນ 26 ທ່ານ, ຍິງ 02 ທ່ານ ແລະ ສານທະຫານ ຈໍານວນ 01 ທ່ານ.

09/11/2024

ສະຖາບັນຄົ້ນຄວ້າ ແລະ ຝຶກອົບຮົມສານປະຊາຊົນສູງສຸດ ໄດ້ຈັດພິທີປິດຊຸດຝຶກອົບຮົມຜູ້​ຊ່ວຍ​ຜູ້​ພິ​ພາກ​ສາ ຊຸດທີ XVI ​ຂຶ້ນ​ໃນ​ວັນ​ທີ 8 ພະ​ຈິກ ນີ້ ທີ່​ສະ​ຖາ​ບັນ​ດັ່ງ​ກ່າວ ໂດຍການເຂົ້າຮ່ວມເປັນປະທານຂອງທ່ານ ຄູນ ຜາສຸກ ຄະນະປະຈຳພັກ ຮອງປະທານສານປະຊາຊົນສູງສຸດ, ມີແຂກຖືກເຊີນ, ​ສຳ​ມະ​ນາ​ກອນເຂົ້າ​ຮ່​ວມ.
ທ່ານ ກັ້ງ ເຕັມສົມບັດ ຫົວໜ້າສະຖາບັນຄົ້ນຄວ້າ ແລະ ຝຶກອົບຮົມສານປະຊາຊົນສູງສຸດໄດ້ຜ່ານບົດສະຫຼຸບວ່າ: ຊຸດ​ອົບ​ຮົມຄັ້ງນີ້ ແນ​ໃສ່​ຍົກ​ລະ​ດັບ​ຄວາມ​ຮູ້ຄວາມ​ສາ​ມາດໃນ​ການ​ດຳ​ເນີນ​ຄະ​ດີ​ຢູ່​ສານ​ໃຫ້​ພະ​ນັກ​ງານ ວິ​ຊາ​ການຂອງ​ສານ​ປະ​ຊາ​ຊົນ ແລະ ສານ​ທະ​ຫານຜູ້​ທີ່​ມີ​ເງື່ອນ​ໃນ​ການ​ຈະ​ແຕ່ງ​ຕັ້ງ​ເປັນ​ຜູ້​ຊ່ວຍ​ຜູ້​ພິ​ພາກ​ສາ ເນື່ອງ​ຈາກວ່າໜ້າ​ທີ່​ດັ່ງ​ກ່າວ​ແມ່ນ​ມີ​ຄວາມ​ສຳ​ຄັນ​ຫຼາຍ ​ໃນ​ຂະ​ບວນ​ພິ​ຈາ​ລະ​ນາ​ຕັດ​ສິນ​ຄະ​ດີ​ຂອງ​ສານ​ປະ​ຊາ​ຊົນ ແລະ ສານ​ທະ​ຫານຖື​ວ່າ​ເປັນ​ຜູ້​ທີ່​ຄົ້ນ​ຄວ້າ​ພິ​ຈາ​ລະ​ນາ​ຄະ​ດີ​ຊ່ວຍ​ຜູ້​ພິພາກ​ສາ​ໂດຍ​ກົງ ພ້ອມ​ທັງ​ເປັນ​ກຳ​ລັງ​ແຮງ​ສຳ​ຄັນ​ຂອງ​ຜູ້​ພິ​ພາກ​ສາ​ໃນ​ການ​ແກ້​ໄຂ​ຄະ​ດີ​ໃຫ້​ມີ​ຄວາມ​ວ່ອງ​ໄວຖືກ​ຕ້ອງ​ຕາມ​ກົດ​ໝາຍ ເຮັດ​ໃຫ້​ການ​ຈັດ​ຕັ້ງ​ມີ​ຄວາມ​ເຂັ້ມ​ແຂງ​ຂຶ້ນ​. ຊຸດອົບຮົມໄດ້​ດຳ​ເນີນ​ເປັນເວລາ 20 ວັນ ນັບແຕ່ວັນທີ 14 ຕຸລາ ຫາວັນ​ທີ 8 ພະຈິກ 2024 ມີຜູ້ເຂົ້າຮ່ວມທັງໝົດ 40 ທ່ານ ຍິງ 11 ທ່ານ. ໃນພິທີທ່ານ ຄູນ ຜາສຸກ ໄດ້ໃຫ້ກຽດມອບໃບຢັ້ງຢຶນໃຫ້ຜູ້​ສຳ ເລັດຊຸດຝຶກອົບຮົມ.
​ໂອ​ກາດ​ນີ້, ທ່ານ ຄູນ ຜາສຸກ ໄດ້ມີຄຳເຫັນໂອ້​ລົມຍົກໃຫ້ເຫັນວ່າ: ວຽກງານຜູ້ຊ່ວຍຜູ້ພິພາກສາສຸດທີ່ມີຄວາມໝາຍສໍາຄັນເປັນຢ່າງຍິ່ງສໍາລັບພະນັກງານຂອງສານປະຊາຊົນທີ່ກ້າວຂຶ້ນເປັນຜູ້ຊ່ວຍຜູ້ພິພາກສາ ເນື່ອງຈາກວ່າກ່ອນຈະເປັນຜູ້ຊ່ວຍຜູ້ພິພາກສາ ຕ້ອງໄດ້ຜ່ານການຝຶກອົບຮົມກ່ອນ ຊຶ່ງຜູ້ຊ່ວຍຜູ້ພິພາກສາແມ່ນບຸກຄົນໜຶ່ງໃນການຊ່ວຍຜູ້ພິພາກສາຄົ້ນຄວ້າສໍານວນຄະດີ ເພື່ອໃຫ້ຜູ້ພິພາກສາເປັນຜູ້ທີ່ຕັດສິນຊີ້ຂາດກ່ຽວກັບຄະດີໃຫ້ມີຄວາມຍຸຕິທຳແກ່ສັງຄົມ. ພ້ອມນັ້ນ, ທ່ານຍັງໄດ້ມີບາງຄໍາເຫັນ​ຕໍ່ຜູ້ຊ່ວຍຜູ້ພິພາກສາທີ່ຖືກແຕ່ງຕັ້ງໃໝ່ບາງດ້ານດັ່ງນີ້: ຕ້ອງຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ, ມີຄຸນສົມບັດ, ສິນທຳປະຕິວັດ ມີຈັນຍາບັນ, ຈັນຍາທໍາ, ມີຄວາມຮູ້, ມີວິຊາສະເພາະໃຫ້ນັບມື້ນັບສູງ; ສ້າງໃຫ້ຕົນເອງມີຄວາມເຊື່ອຖື, ມີບົດບາດຢູ່ໃນສັງຄົມດ້ວຍການເປັນແບບຢ່າງໃນການປະຕິບັດກົດໝາຍ, ກ້າຫານປົກປ້ອງສິ່ງທີ່ຖືກກົດໝາຍ ແລະ ແກ້ໄຂສິ່ງທີ່ບໍ່ຖືກ ຕ້ອງໃນສັງຄົມ; ເອົາໃຈໃສ່ຄົ້ນຄວ້າຄະດີ, ເກັບກຳຂໍ້ມູນຫຼັກຖານໃຫ້ຄົບຖ້ວນ, ຮອບດ້ານ ແລະ ພາວະວິໄສ ເຮັດໃຫ້ການຕັດສິນຄະດີມີຄວາມຖືກຕ້ອງເປັນທຳ ແລະ ເປັນທີ່ເພິ່ງໄວ້ເນື້ອເຊື່ອໃຈຂອງປະຊາຊົນ; ຕັ້ງໜ້າປັບປຸງ ແລະ ສ້າງກົນໄກ, ແບບແຜນວິທີການເຮັດວຽກການພິຈາລະນາຄະດີໃຫ້ມີຄວາມວ່ອງໄວໂປ່ງໃສ, ຖືກຕ້ອງຕາມຂັ້ນຕອນຂອງກົດໝາຍ ແລະ ການພິຈາລະນາຄະດີຕ້ອງບໍ່ແກ່ຍາວເວລາ ຖືກຕ້ອງຕາມທີ່ກົດ ໝາຍກຳນົດໄວ້, ການຄົ້ນຄວ້າຄະດີກໍຄວນເຮັດລະອຽດ, ຮັບປະກັນຄວາມຮອບດ້ານ ແລະ ພາວະວິໄສ.

06/11/2024

ໃນລະຫວ່າງວັນທີ 21-24 ຕຸລາ 2024 ທີ່ຜ່ານມາ ສານປະຊາຊົນແຂວງ ໄຊສົມບູນ ໄດ້ຕ້ອນຮັບຄະນະຜູ້ແທນຈາກ ສານປະຊາຊົນແຂວງ ບັກຢາງ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຮ່ວມກັບ ສານປະຊາຊົນແຂວງ ໄຊສົມບູນ ຢ່າງເປັນທາງການ ໂດຍການນຳພາຂອງ ທ່ານ ເລືອງ ຊວນ ຫຼົກ ປະທານສານປະຊາຊົນແຂວງ ບັກຢາງ ເຊິ່ງໄດ້ໃຫ້ການຕ້ອນຮັບໂດຍ ທ່ານ ສົມໝາຍ ບຸດຕະວົງ ປະທານສານປະຊາຊົນແຂວງ ໄຊສົມບູນ.
ການພົບປະຄັ້ງນີ້ ເປັນການປະຕິບັດຕາມບົດບັນທຶກຊ່ວຍຈຳ ລະຫວ່າງ ສານປະຊາຊົນແຂວງ ບັກຢາງ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ສານປະຊາຊົນແຂວງ ໄຊສົມບູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ລົງນາມຮ່ວມກັນ ໃນວັນທີ 22 ສິງຫາ 2023 ທີ່ ນະຄອນຫຼວງຮ່າໂນ້ຍ, ສາທາລະນະລັດ ສັງຄົມນິຍົມ ຫວຽດນາມ ເພື່ອເປັນການຮ່ວມມືຮອບດ້ານ ໃນວຽກງານການບໍລິຫານສານ, ບໍລິຫານຄະດີ ຂອງທັງສອງຝ່າຍ ທັງເປັນການແລກປ່ຽນບົດຮຽນ ໃນວຽກງານວິຊາສະເພາະ ແນໃສ່ຊອກຮູ້ບັນຫາໃນຂອດຂັ້ນການດຳເນີນຄະດີທີ່ເກີດຂຶ້ນຕົວຈິງ ແລະ ນຳເອົາມາຖອດຖອນບົດຮຽນ ແລະ ຫາວິທີແກ້ໄຂຮ່ວມກັນ ເພື່ອສົ່ງເສີມໃຫ້ວຽກງານການບໍລິຫານສານ, ບໍລິຫານຄະດີ ມີຄວາມສະດວກ, ວ່ອງໄວ, ຮັບປະກັນໃຫ້ມີຄວາມເປັນທຳແກ່ຄູ່ຄວາມ ແລະ ຫັນເຂົ້າສູ່ລະບົບທັນສະໄໝເທື່ອລະກ້າວ.
ໃນໂອກາດດັ່ງກ່າວນີ້ ທ່ານ ເລືອງ ຊວນ ຫຼົກ ປະທານສານປະຊາຊົນແຂວງ ບັກຢາງ ໄດ້ເຊື້ອເຊີນ ທ່ານ ສົມໝາຍ ບຸດຕະວົງ ປະທານສານປະຊາຊົນແຂວງ ໄຊສົມບູນ ພ້ອມດ້ວຍຄະນະ ເດີນທາງໄປຢ້ຽມຢາມ ແລະ ເຮັດວຽກຮ່ວມກັບ ສານປະຊາຊົນແຂວງ ບັກຢາງ ທີ່ ສາທາລະນະລັດ ສັງຄົມນິຍົມ ຫວຽດນາມ ໃນເວລາອັນຄວນ.

06/11/2024

ໃນວັນທີ 6 ພະຈິກ 2024 ສານປະຊາຊົນແຂວງ ຫລວງພະບາງ ໄດ້ຈັດພິທີປະກາດການຈັດຕັ້ງ ພາຍໃຕ້ການເປັນປະທານຮ່ວມ ຂອງທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ ຮອງປະທານສານປະຊາຊົນສູງສຸດ ແລະ ທ່ານ ສຸກັນ ບຸນຍົງ ຮອງເລຂາຄະນະບໍລິຫານງານພັກແຂວງ ຜູ້ຊີ້ນຳວຽກງານພັກ-ພະນັກງານ ແຂວງ ຫຼວງພະບາງ, ມີຮອງປະທານສານແຂວງ, ບັນດາຜູ້ພິພາກສາ ແລະ ບັນດາພະແນກການທີ່ກ່ຽວຂ້ອງ ອ້ອມຂ້າງແຂວງ ເຂົ້າຮ່ວມຢ່າງພ້ອມພຽງ. ໃນພິທີດັ່ງກ່າວ ທ່ານ ສາກົນ ໄຊຍະລາດ ຮອງເລຂາໜ່ວຍພັກ ຮອງຫົວໜ້າກົມຈັດຕັ້ງ-ພະນັກງານງານ ໄດ້ຜ່ານຂໍ້ຕົກລົງ ວ່າດ້ວຍການປະກາດການຈັດຕັ້ງສານປະຊາຊົນແຂວງ ຫຼວງພະບາງ ຄື:
1. ຍົກຍ້າຍທ່ານ ສຳນານ ສົນທະນີ ກຳມະການພັກແຂວງ, ປະທານສານປະຊາຊົນແຂວງ ໄປຮັບໜ້າທີ່ໃໝ່ຢູ່ນະຄອນຫຼວງພະບາງ.
2. ⁠ແຕ່ງຕັ້ງ ທ່ານ ນາງ ສຸກສະຫວັນ ພົມສະຫວັນ ຜູ້ພິພາກສາຊັ້ນສີ່ ສານປະຊາຊົນສູງສຸດ ເປັນຜູ້ຮັກສາການປະທານສານປະຊາຊົນແຂວງ ຫຼວງພະບາງ.

25/10/2024

ໃນວັນທີ 23 ຕຸລາ 2024 ທີ່ຜ່ານມານີ້, ສານ​ປະຊາຊົນ ແຂວງ ອັດຕະປື ໄດ້ຈັດພິທີປະກາດພະນັກງານພັກຜ່ອນຮັບບຳນານ ແລະ ປະກາດແຕ່ງຕັ້ງປະທານສານປະຊາຊົນ ແຂວງ ອັດຕະປື ຜູ້ໃໝ່ຂຶ້ນ ຢູ່ທີ່ຫ້ອງວ່າການປົກຄອງແຂວງ ອັດຕະປື ໂດຍໃຫ້ກຽດເປັນປະທານຂອງ ທ່ານ ສຈ ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ, ມີບັນດາທ່ານຄະນະນຳຂັ້ນແຂວງ, ພະນັກງານນຳພາ, ຂະແໜງການກ່ຽວຂ້ອງທີ່ຖືກເຊີນ ແລະ ພະນັກງານວິຊາການເຂົ້າຮ່ວມ.
ໃນພິທີ ຜູ້ເຂົ້າຮ່ວມໄດ້ຮັບຟັງການລາຍງານສະພາບ ການເຄື່ອນໄຫວນຳພາ-ຊີ້ນຳ ວຽກງານປະຈຳປີ 2024 ແລະ ທິດທາງແຜນການປະຈຳປີ 2025 ຂອງສານປະຊາຊົນຊົນແຂວງ ອັດຕະປື ໂດຍຫຍໍ້ ເຊິ່ງໃນໄລຍະໜຶ່ງປີຜ່ານມາຄະນະພັກ-ຄະນະນຳ​ສານ​ປະຊາຊົນແຂວງ ໄດ້ສຸມໃສ່ປັບປຸງກົງຈັກການຈັດຕັ້ງ ໃຫ້ມີຄວາມໜັກແໜ້ນເຂັ້ມແຂງ ເຮັດໃຫ້ການຈັດຕັ້ງຂອງສານຫຍັບໃກ້ເຂົ້າຫາປະຊາຊົນ ແລະ ບໍລິການປະຊາຊົນ ຢ່າງທົ່ວເຖິງ ພ້ອມນີ້ ວຽກຕິດຕາມກວດກາ ແລະ ປະເມີນຜົນການພິຈາລະນາຕັດສິນຄະດີຕ່າງໆ ຂອງສານແຕ່ລະຂັ້ນ ກໍມີປະສິດທິພາບໃນລະດັບດີຂຶ້ນເປັນກ້າວໆ.
ໃນພິທີ ທ່ານ ຂຸນສຸວັນ ສຸທຳມະວົງ ຄະນະປະຈຳພັກ ຫົວຫນ້າກົມຈັດຕັ້ງ-ພະນັກງານ ສານປະຊາຊົນສູງສຸດ ໄດ້ຜ່ານຂໍ້ຕົກລົງຂອງປະທານສານປະຊາຊົນສູງສຸດ ກ່ຽວກັບການອະນຸມັດໃຫ້ ທ່ານ ປັນຍາ ໄຊຍະແສງ ປະທານສານປະຊາຊົນ ແຂວງ ຜູ້ເກົ່າ ເຂົ້າຮັບອຸດໜູນບຳນານຕາມ​ລະບຽບການ ແລະ ຜ່ານມະຕິຕົກລົງຂອງຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງ ທ່ານ ເດືອນວິໄລ ແກ້ວວຽງສະໄໝ ຜູ້ພິພາກສາ ຊັ້ນສາມ ຮອງ​ປະທານສານປະຊາຊົນແຂວງ ສາລະວັນ ຂຶ້ນເປັນຮັກສາການປະທານສານປະຊາຊົນ ແຂວງ ອັດຕະປື ຜູ້ໃໝ່ ຢ່າງເປັນທາງການ.
ໃນໂອກາດດັ່ງກ່າວ ທ່ານ ສຈ ປອ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ ກໍໄດ້ໂອ້ລົມຕໍ່ພິທີດັ່ງກ່າວ ເຊິ່ງທ່ານໄດ້ຍົກໃຫ້ເຫັນເຖິງຄວາມເຕີບໃຫຍ່ຂະຫຍາຍຕົວຂອງສານປະຊາຊົນແຂວງ ຕໍ່ກັບການນຳພາ-ຊີ້ນຳ ຂອງປະທານສານປະຊາຊົນ ຜູ້ເກົ່າ ທີ່ໄດ້ສຸມທຸກ ຄວາມສາມາດຂອງຕົນເຂົ້າໃນການຈັດຕັ້ງປະຕິບັດວຽກງານຮອບດ້ານດ້ວຍຜົນສຳເລັດອັນຈົບງາມ, ເຮັດໃຫ້ອົງການຕຸລາການໄດ້ຮັບຄວາມໄວ້ເນື້ອເຊື້ອໃຈ ຈາກ ພັກ-ລັດ ແລະ ປະຊາຊົນສູງຂຶ້ນ, ການສັບປ່ຽນໜ້າທີ່ ແລະ ປະກາດພະນັກງານຮັບບຳນານແມ່ນຖືເປັນວຽກງານປົກກະຕິ ເພື່ອສ້າງເງື່ອນໄຂຄວາມສະດວກຮອບດ້ານໃຫ້ວຽກງານຕຸລາການມີປະສິດທິພາບ ແລະ ບັນລຸຕາມຈຸດປະສົງເປົ້າໝາຍດີຂຶ້ນ, ພ້ອມນີ້ ທ່ານ ຍັງໄດ້ເນັ້ນໜັກໃຫ້ຜູ້ຮັກສາການປະທານສານປະຊາຊົນຜູ້ໃໝ່ ຈົ່ງສືບຕໍ່ປະຕິບັດໜ້າທີ່ວຽກງານຂອງຕົນ ທີ່ຂັ້ນເທິງມອບໝາຍ ໃຫ້ມີຜົນ ສຳເລັດອັນໃໝ່ ແລະ ໃຫຍ່ຫຼວງກວ່າເກົ່າ, ເອົາໃຈໃສ່ສຶກສາອົບຮົມການເມືອງ-ແນວຄິດ ໃຫ້ແກ່ພະນັກງານຂອງຕົນມີແນວຄິດອຸ່ນອຽນທຸ່ນທ່ຽງ ຕໍ່ການນຳພາ- ຊີ້ນຳ ຂອງພັກ-ລັດ ຢ່າງໜັກແໜ້ນ ແລະ ສືບຕໍ່ຈັດຕັ້ງປະຕິບັດວຽກງານສານປະຊາຊົນ ແຂວງ ອັດຕະປື ໃຫ້ມີບາດກ້າວດີຂຶ້ນຢ່າງບໍ່ຢຸດຢັ້ງ.