ປະກັນສັງຄົມແຫ່ງຊາດ

01/12/2024

#ຊົມເຊີຍວັນຊາດທີ2ທັນວາຢ່າງສຸດໃຈ

30/11/2024

#ຊົມເຊີຍຜົນສໍາເລັດຂອງກອງປະຊຸມສະມາຄົມປະກັນສັງຄົມອາຊຽນ (ASSA) ຄັ້ງທີ 41 ທີ່ ປະເທດຟິລິບປິນ
…………………………………
ກອງປະຊຸມສະມາຄົມປະກັນສັງຄົມອາຊຽນ ASSA ຄັ້ງທີ 41 ໄດ້ໄຂຂື້ນ ຢ່າງເປັນທາງການໃນລະຫວ່າງວັນທີ 25-27 ພະຈິກ 2024 ທີ່ ນະຄອນຫຼວງມະນິລາ ປະເທດ ຟິລິບປິນ ຊຶ່ງໃນປີນີ້ແມ່ນ ປະກັນສັງຄົມພາກລັດ GSIS ເປັນເຈົ້າພາບ. ຫົວຂໍ້ຂອງກອງປະຊຸມໃນປີນີ້ແມ່ນ “ທິດທາງການ​ເຊື່ອມ​ໂຍງ, ການນຳໃຊ້ເຕັກໂນໂລຊີ ແລະ ການຂະຫຍາຍການປົກຄຸມດ້ານປະກັນສັງຄົມໃນບັນດາປະເທດອາຊຽນ”.
ປະທານກອງປະຊຸມ ASSA ຄັ້ງນີ້ ແມ່ນທ່ານ AHMAD ZULQARNAIN ONN ຜູ້ອຳນວຍການກອງທຶນສໍາຮອງລ້ຽງຊີບຂອງມາເລເຊຍ, ມີຜູ້ເຂົ້າຮ່ວມບັນດາປະເທດສະມາຊິກສະມະຄົມປະກັນສັງຄົມອາຊຽນ 10 ປະເທດ, ມີບັນດາເອກອັກຄະລັດຖະທູດປະຈໍາຟິລີບປິນ, ມີຜູ້ຕາງໜ້າອົງການຈັດຕັ້ງຂອງລັດຖະບານຟິລິບປິນ, ອົງການຈັດຕັ້ງສາກົນ ແລະ ຄູ່ຮ່ວມງານ ລວມທັງໝົດ 100 ກ່ວາທ່ານ ໃນນັ້ນລວມມີ ອົງການປະກັນສັງຄົມແຫ່ງຊາດ ລາວ ນໍາທີມເຂົ້າຮ່ວມໂດຍ ທ່ານ ນາງ ບົວຫອມ ພົມມະຈັນ ຮອງຫົວໜ້າອົງການປະກັນສັງຄົມແຫ່ງຊາດ ພ້ອມດ້ວຍຄະນະ.
ທ່ານປະທານສະມາຄົມປະກັນສັງຄົມອາຊຽນ ໄດ້ກ່າວໃນກອງປະຊຸມ ASSA ຄັ້ງທີ 41 ວ່າ: ໃນ​ຂະ​ນະ​ທີ່​ພວກ​ເຮົາ​ພວມກ້າວໄປຂ້າງໜ້າ ກໍ່ມີຫຼາຍຢ່າງທີ່ຍັງເປັນສິ່ງທ້າທາຍໂດຍສະເພາະຕາມບົດລາຍງານການປົກປ້ອງສັງຄົມໂລກ ໃນປີ 2024-2026 ຂອງ ອົງການແຮງງານສາກົນ ໃຫ້ຮູ້ວ່າ: ມີພຽງ 45.9% ຂອງປະຊາກອນອາຊຽນ ໄດ້ຮັບການປົກປ້ອງທາງສັງຄົມ ບໍ່​ລວມ​ການປະກັນ​ສຸ​ຂະ​ພາບ ຊຶ່ງຢູ່ໃນລະດັບຕໍ່າກ່ວາລະດັບສະເລ່ຍທົ່ວໂລກ 52.4% ນັ້ນໝາຍເຖີງຄວາມຈໍາເປັນອັນຮີບດ່ວນ ເພື່ອເສີມສ້າງລະບົບການປົກປ້ອງສັງຄົມ ແລະ ຂະຫຍາຍການຄຸ້ມຄອງໃຫ້ຮັບປະກັນບໍ່ປະໃຜໄວ້ຂ້າງຫຼັງ ແລະ ພວກເຮົາຕ້ອງກຽມພ້ອມຮັບມືຕໍ່ ບັນຫາສັງຄົມທີ່ບໍ່ມີຄວາມສົມດູນຂອງປະຊາກອນໂດຍຈະມີຈຳນວນຜູ້ສູງອາຍຸທີ່ຈະເພິ່ມຂື້ນໃນບັນດາປະເທດອາຊຽນໃນອານາຄົດ, ບັນຫາແຮງງານນອກລະບົບຊຶ່ງມີປະມານ 244 ລ້ານຄົນໃນພາກພື້ນທີ່ມີລາຍຮັບບໍ່ແນ່ນອນ ກວມເອົາເກືອບ 79% ຂອງແຮງງານປະຊາກອນ ​ລື່ນ​​ລະດັບ​ສະ​ເລ່ຍ​ທົ່ວ​ໂລກ​ທີ່ 61% ​ແລະ ​ອາຊີປາຊີຟິກສະເລ່ຍ 68%, ກຸ່ມຄົນເຫຼົ່ານີ້ິ ບໍ່ມີຄວາມສະຖຽນລະພາບທາງດ້ານເສດຖະກິດ, ຈໍາກັດການເຂົ້າເຖິງການປິ່ນປົວ, ບໍ່ໄດ້ຮັບການອຸດໜູນບໍານານ ແລະ ການເຮັດວຽກມີຄວາມສ່ຽງ ບໍ່ມີປອດໄພ, ບັນຫາການ​ເຄື່ອນ​ຍ້າຍ​ແຮງ​ງານ​ຂ້າມ​ຊາຍ​ແດນໃນອາ​ຊຽນ ​​ມີ​ແຮງງານເຄື່ອນຍ້າຍປະ​ມານ 09 ລ້ານ​ຄົນ ໃນນັ້ນເກືອບ 07 ລ້ານຄົນເປັນແຮງງານເຄື່ອນຍ້າຍພາຍໃນພາກພື້ນແຮງງານເຄື່ອນຍ້າຍຈະບໍ່ສາມາດເຂົ້າເຖິງການປະກັນສັງຄົມ, ບັນຫາການປ່ຽນແປງດິນຟ້າອາກາດໄດ້ສົ່ງຜົນກະທົບຕໍ່ ການກະສິກໍາ, ການທ່ອງທ່ຽວ, ຄວາມຕ້ອງການພະລັງງານ, ການຜະລິດ, ສຸຂະພາບຂອງມະນຸດ ແລະ ລະບົບນິເວດ ໂດຍສະເພາະ ໄພພິບັດທາງທໍາມະຊາດ. ທ່ານໄດ້ຮຽກຮ້ອງໃຫ້ບັນດາປະເທດສະຊິກ ແລະ ທຸກພາກສ່ວນຈົ່ງໃຫ້ຄວາມສຳຄັນ ແລະ ຮ່ວມມືກັນແກ້ໄຂບັນຫາດັ່ງກ່າວ.
ຈຸດປະສົງຫຼັກຂອງກອງປະຊຸມ ASSA (1) ແມ່ນເພື່ອ ຈັດການປະຊຸມສະພາບໍລິຫານຂອງສະມາຄົມປະກັນສັງຄົມອາຊຽນ ASSA ເພື່ອທົບທວນຄືນຄວາມເປັນເອກະພາບບົດບັນທຶກກອງປະຊຸມ ແລະ ບັນຫາທີ່ໄດ້ເອກະພາບໃນກອງປະຊຸມຜ່ານມາເປັນຕົ້ນ ລະບຽບ ແລະ ເງື່ອນໄຂການເຂົ້າເປັນສະມາຊິກ ASSA , ການສ້າງຕັ້ງກອງເລຂາ ເຄິ່ງຖາວອນວອນ ຫຼື ຖາວອນ, ສັນຍາວ່າດ້ວຍຄວາມຍືນຍົງຂອງ ASSA , ເອກະພາບແຜນກິດຈະກໍາ ASSA ປະຈໍາປີ 2025, ຄະນະກຳມະການສະພາບໍລິຫານ ASSA ເຫັນດີແຕ່ງຕັ້ງປະທານ ASSA ປະຈໍາປີ 2024-2025 ແລະ ປະເທດບູຣໄນເປັນເຈົ້າພາບຈັດກອງປະຊຸມ ASSA ຄັ້ງ 42 ຊຶ່ງຫົວຂໍ້ຫຼັກຂອງກອງປະຊຸມແມ່ນ ຈະປຶກສາກ່ຽວກັບການປະກັນສັງຄົມຕໍ່ແຮງງານເຄື່ອນຍ້າຍ ແລະ ບັນຫາຄຸ້ມຄອງບໍລິຫານ, ກອງປະຊຸມຍັງໄດ້ມີການມອບລາງວັນການຈັດຕັງປະຕິບັດໃຫ້ບັນດາອົງກອນສະມາຊິກ 18 ອົງກອນ. (2) ເພື່ອແລກປ່ຽນບົດຮຽນທີ່ດີໃນການຈັດຕັ້ງປະຕິບັດວຽກງານປະກັນສັງຄົມຂອງບັນດາປະເທດສະມາຊິກ ແລະ ອົງການຈັດຕັ້ງສາກົນ ຊຶ່ງກອງປະຊຸມຄັ້ງນີ້ມີການສະເໜີຫົວຂໍ້: ຄວາມຍືນຍົງຂອງກອງທຶນບໍານານຟິລິບປິນ, ທ່າອ່ຽງ ແລະ ຄວາມທ້າທາຍຕໍ່ປະກັນສັງຄົມມາເລເຊຍ, ການແນະນໍາ ແລະ ການແຕ່ງຕັ້ງຜູ້ບໍລິຫານກອງທຶນບໍານານແຫ່ງຊາດຂອງບຣູໄນ, ການຈັດການລະບົບຂໍ້ມູນເພື່ອຄຸ້ມຄອງລະບົບປະກັນສຸຂະພາບທຸກຖ້ວນໜ້າຂອງໄທ, ການແນະນຳໂຄງສ້າງອົງຄະກອນ ແລະ ວິທີການນຳໃຊ້ແກ່ກິດຈະກຳການກວດສອບຂອງສັງຄົມປະກັນສັງຄົມຂອງປະເທດຫວຽດນາມ, ການລິເລີ່ມໂຄງການປະກັນສຸຂະພາບແກ່ແຮງງານອິດສະຫຼະໃນກໍາປູເຈ້ຍ, ປະກັນສັງຄົມແຮງງານອິດສະຫຼະ ISSA, ການສ້າງຄວາມເຂັ້ມແຂງປະກັນສັງຄົມໄທດ້ວຍເທັກໂນໂລຢີ, ສ້າງຄວາມເຂົ້າໃຈໃນຂະບວນການພັດທະນາບັນດາອຸດໜູນຂອງຟິລິບປິນ, ຜົນສຳຫຼວດການຄຸ້ມຄອງດ້ານປະກັນສັງຄົມຕໍ່ເພດໃນພາກພື້ນອາຊີປາຊີຟິກ ຂອງ ADB ພ້ອມດຽວກັນນັ້ນ ຍັງໄດ້ຮັບຟັງການລາຍງານຂອງຜູ້ຊ່ຽວຊານສາກົນກ່ຽວກັບທ່າອ່ຽງຂອງໂລກ ແລະ ບົດຮຽນທີ່ພົ້ນເດັ່ນໃນວຽກງານປົກປ້ອງທາງສັງຄົມ.

22/11/2024

How can innovation and integration drive the future of social security in ASEAN? Join the experts on 25-27 November 2024 as they explore these essential questions. Be part of the dialogue.

22/11/2024

20/11/2024

ພະນັກງານລັດ, ພະນັກງານເອກະຊົນ ຫຼື ປະຊາຊົນທົ່ວໄປ ກໍ່ເປັນຜູ້ບຳນານນຳປະກັນສັງຄົມເຊັ່ນກັນ..
#ຂໍ້ມູນເພີ່ມຕື່ມ: 1508

19/11/2024

#ການຄຸ້ມຄອງອຸດໜູນອອກລູກ ສໍາລັບຜູ້ປະກັນຕົນເພດຍິງໃນຫົວໜ່ວຍວິສາຫະກິດ

12/11/2024

#ຊົມເຊີຍຜົນສໍາເລັດຂອງກອງປະຊຸມສະພາບໍລິຫານ ອປຊ ຄັ້ງທີ XV.
…………………………………………
ໃນວັນທີ 08 ພະຈິກ 2024 ອົງການປະກັນສັງຄົມແຫ່ງຊາດ (ອປຊ) ໄດ້ຈັດກອງປະຊຸມສະພາບໍລິຫານ ຄັ້ງທີ XV ຂອງຕົນຂື້ນ, ໃຫ້ກຽດເປັນປະທານໂດຍທ່ານ ນາງ ໃບຄໍາ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທັງເປັນປະທານສະພາບໍລິຫານ ຂອງ ອປຊ, ເຂົ້າຮ່ວມມີຮອງປະທານສະພາບໍລິຫານ, ຄະນະກໍາມະການ, ຄະນະອົງການປະກັນສັງຄົມແຫ່ງຊາດ ພ້ອມດ້ວຍຄະນະພະແນກເຂົ້າຮ່ວມຢ່າງພ້ອມພຽງ. ຈຸດປະສົງກໍ່ເພື່ອປຶກສາຫາລືຄວາມເປັນເອກະພາບກ່ຽວກັບບັນຫາທີ່ຕິດພັນກັບພາລະບົດບາດ, ຂອບເຂດສິດ ແລະ ໜ້າທີ່ຂອງສະພາບໍລິຫານ, ຮັບຟັງການລາຍງານຜົນຂອງການຈັດຕັ້ງປະຕິບັດບັນດາທິດຊີ້ນໍາຂອງກອງປະຊຸມສະພາບໍລິຫານຄັ້ງທີ XIV ແລະ ການລາຍງານຜົນຂອງການຈັດຕັ້ງປະຕິບັດບັນດາແຜນວຽກຈຸດສຸມທີ່ສໍາເລັດ ແລະ ວຽກງານຂໍ້ຄົງຄ້າງ ໃນ 09 ເດືອນຂອງປີ 2024 ແລະ ທິດທາງແຜນການທ້າຍປີ 2024 ທີ່ຈະຕ້ອງພ້ອມກັນປຶກສາຫາລືເປັນເອກະພາບໃນການຈັດຕັ້ງປະຕິບັດ......................................................
#ອ່ານຂ່າວເຕັມ ກະລຸນາກົດລິ້ງດ້ານລຸ່ມ:
https://lsso.gov.la/index.php/lo/news-la/local-news-la/272-xv

12/11/2024

#ສໍາເລັດຊຸດຝຶກອົບຮົມການພັດທະນາທັກສະຄວາມເປັນຜູ້ນໍາ ແລະ ການບໍລິຫານງານທີ່ມີປະສິດທິພາບ ໃຫ້ພະນັກງານ ອປຊ ຂັ້ນສູນກາງ (ຊຸດທີ2)..................................
ໃນລະຫວ່າງວັນທີ 04-06 ພະຈິກ 2024 ອົງການປະກັນສັງຄົມແຫ່ງຊາດ ຮ່ວມກັບ ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ ມະຫາວິທະຍາໄລແຫ່ງຊາດ ໄດ້ຈັດຊຸດຝຶກອົບຮົມພາຍໃຕ້ຫົວຂໍ້: “ການພັດທະນາທັກສະຄວາມເປັນຜູ້ນໍາ ແລະ ການບໍລິຫານງານທີ່ມີປະສິດທິພາບ” ໃຫ້ແກ່ພະນັກງານ ອປຊ ຂັ້ນສູນກາງ, ໃຫ້ກຽດເປັນປະທານກ່າວປິດຊຸດຝຶກອົບຮົມໂດຍ ທ່ານ ທອງພັນ ໄຊຍະລາດ ຮອງຫົວໜ້າອົງການປະກັນສັງຄົມແຫ່ງຊາດ, ເຂົ້າຮ່ວມມີ ທ່ານ ນາງ ສຸດຖະໜອມ ພິນສະຫວັດ ຮອງຫົວໜ້າສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ ມ.ຊ ທັງເປັນວິທະຍາກອນ, ມີບັນດາຫົວໜ້າພະແນກ, ຮອງພະແນກ, ຫົວໜ້າຂະແໜງ ແລະ ວິຊາການ.

12/11/2024

#ວັນທີ 12 ພະຈິກ 2024 ປະກັນສັງຄົມເຄື່ອນທີ່ ຢູ່ບ້ານນາຝາງ ເມືອງຮຸນ ແຂວງອຸດົມໄຊ;
#ວັນທີ 13 ພະຈິກ 2024 ພົບພໍ້ກັນທີ່ ເທດສະບານ ເມືອງແບງ ແຂວງອຸດົມໄຊ;
#ວັນທີ 14 ພະຈິກ 2024 ພົບພໍ້ກັນທີ່ ເທດສະບານແຂວງອຸດົມໄຊ;
#ວັນທີ 15 ພະຈິກ 2024 ພົບພໍ້ກັນທີ່ ເທດສະບານເມືອງຫຼາ ແຂວງອຸດົມໄຊ.

07/11/2024

ທີມງານປະກັນສັງຄົມ ລົງໃຫ້ບໍລິການເຄື່ອນທີ່ ບ້ານ ດອນແກ້ວ ນະຄອນຫຼວງພະບາງ
#ປະກັນສັງຄົມ
#1508

05/11/2024

#ປະກັນສັງຄົມລົງໃຫ້ບໍລິການເຄື່ອນທີບ້ານເປົ້າໝາຍ ຢູ່ ແຂວງຫົວພັນ.
#ສະໜັບສະໜູນງົບປະມານເຄື່ອນໄຫວໂດຍ ອົງການ ILO-China..........................................
ໃນລະຫວ່າງວັນທີ 28 ຕຸລາ - 01 ພະຈິກ 2024 ທີມງານປະກັນສັງຄົມຂັ້ນສູນກາງ ນໍາພາໂດຍທ່ານ ນາງ ດວງເດືອນ ຈັນທະວົງ ຫົວໜ້າພະແນກໂຄສະນາປະຊາສໍາພັນ ຮ່ວມກັບ ຫ້ອງການປະກັນສັງຄົມແຂວງຫົວພັນ ສົມທົບກັບ ບັນດາຫ້ອງການແຮງງານ ແລະ ສະຫວັດດີການສັງຄົມເມືອງ ໄດ້ລົງໃຫ້ບໍລິການຂື້ນທະບຽນເຄື່ອນທີ່ແກ່ພໍ່ແມ່ປະຊາຊົນບ້ານເປົ້າໝາຍພາຍໃນແຂວງຫົວພັນ ໂດຍການສະໜັບສະໜູນງົບປະມານຂອງ ອົງການໄອໂລ-ໄຊນາ (ILO-China). ການເຄື່ອນທີ່ຄັ້ງນີ້ ໄດ້ລົງໃຫ້ບໍລິການ ຢູ່ 6 ບ້ານ ແລະ 1 ຕະຫຼາດ ຄື: ບ້ານປ່າຄາໃຕ້ ເມືອງຫົວເມືອງ, ບ້ານນາອໍ້ ແລະ ບ້ານຜາແຫຼມ ເມືອງກວັນ, ບ້ານພັນສະຫວັນ ເມືອງຊໍາໃຕ້, ບ້ານຊຽງຊື້ ແລະ ບ້ານນາເມືອງ ເມືອງວຽງໄຊ ແລະ ຕະຫຼາດເມືອງຊໍາເໜືອ ມີປະຊາຊົນໃຫ້ຄວາມສົນໃຈຂື້ນທະບຽນທັງໝົດ 75 ຄົນ ເປັນຍິງ 43 ຄົນ, ມີຜູ້ເຂົ້າຮ່ວມທັງໝົດ 159 ຄົນ...........................................
#ອ່ານຂ່າວເຕັມ ກະລຸນາກົດລິ້ງດ້ານລຸ່ມ:
https://lsso.gov.la/index.php/lo/news-la/local-news-la/271-2024-11-05-04-49-22

04/11/2024

ທີມງານລົງໃຫ້ບໍລິການ ເຄື່ອນທີ່ ບ້ານ ຈູມຄ້ອງ ນະຄອນຫຼວງພະບາງ ແຂວງ ຫຼວງພະບາງ 📌 ເຊີນທຸກທ່ານມາ ໃຊ້ບໍລິການໄດ້ ທັງຂື້ນທະບຽນຫລື ຈ່າຍເງິນ ສົມທົບ
4/11/2024

01/11/2024

#ຫ້ອງການປະກັນສັງຄົມ ແຂວງຫຼວງພະບາງ ລົງໃຫ້ຂໍ້ມູນສິດຜົນປະໂຫຍດ ໃນການເຂົ້າເປັນສະມາຊິກ ຢູ່ທີ່ເມືອງງອຍ ແຂວງຫຼວງພະບາງ

24/10/2024

#ສືບຕໍ່ທັດສະນະສຶກສາວຽກງານປະກັນສັງຄົມຢູ່ ເມືອງ ຊິງຕາວ (QingTao) ສ.ປ ຈີນ
_________________________
ພາຍຫຼັງທີ່ສຳລັດການຢ້ຽມຢາມ, ຖອດຖອນບົດຮຽນວຽກງານປະກັນສັງຄົມ ຢູ່ທີ່ເມືອງ ຈົງຊິງ (ChongQing) ຄະນະຜູ້ແທນປະກັນສັງຄົມລາວ ໄດ້ສືບຕໍ່ເດີນທາງໄປທີ່ເມືອງ ຊິງຕາວ ສ.ປ ຈີນ ເພື່ອທັດສະນະສຶກສາ ແລະ ຖອດຖອນບົດຮຽນວຽກງານປະກັນສັງຄົມ ຢູ່ທີ່ມືອງດັ່ງກ່າວ ໂດຍໄດ້ຮັບການຕ້ອນຮັບຈາກ ທ່ານ Wang Shao Wei ຫົວຫນ້າປະກັນສັງຄົມ ເມືອງຊິງຕາວ ພ້ອມຄະນະ.
ສຳລັບເມືອງ ຊິງຕາວ ເປັນອີກເມືອງໜຶ່ງທີ່ມີຄວາມກ້າວຫນ້າ ແລະ ທັນສະໄໝ ທາງດ້ານການພັດທະນາລະບົບປະກັນສັງຄົມ ໂດຍສະເພາະແມ່ນການຫັນມານຳໃຊ້ບັດປະກັນສັງຄົມແບບເອເລັກໂທນິກ (E- card) ເພື່ອອຳນວຍຄວາມສະດວກໃຫ້ກັບສະມາຊິກປະກັນສັງຄົມຜູ້ທີ່ໄດ້ຮັບອຸດໜູນ ສາມາດນຳໃຊ້ບັດດັ່ງກ່າວເຂົ້າໃນການຊຳລະສະສາງສິນຄ້າ, ຈ່າຍຄ່າປີ້ລົດໂດຍສານ, ຢືມປຶ້ມຢູ່ຫ້ອງສະມຸດ, ເຂົ້າພັກໃນໂຮງແຮມ ແລະ ອື່ນໆ. ນອກຈາກນີ້, ຍັງໄດ້ອຳນວຍຄວາມສະດວກໃຫ້ສະມາຊິກ ສາມາດສົ່ງເອກະສານເພື່ອຂໍຮັບອຸກໜູນດ້ວຍຕົນເອງຜ່ານທາງລະບົບອອນລາຍ ໂດຍບໍ່ຈຳເປັນຕ້ອງເຂົ້າມາຫ້ອງການປະກັນສັງຄົມ ຫຼື ບໍ່ຕ້ອງການໃຫ້ປະກັນສັງຄົມ ລົງໄປກວດສອບໃນກໍລະນີເກີດອຸປະຕິເຫດຍ້ອນວຽກງານ ເຖິງສະຖານທີ່, ຜູ້ປະກັນຕົນສາມາດບັນທຶກ VDO ຫຼື ວີດີໂອທາງໄກ ຫາພະນັກງານປະກັນສັງຄົມ ເພື່ອລາຍງານເຫດການ ຫຼື ຢັ້ງຢືນໂຕຕົນ ເພື່ອຫຼຸດຜ່ອນຂັ້ນຕອນໃນການດຳເນີນເອກະສານ ແລະ ຫຼຸດຜ່ອນໄລຍະເວລາລໍຖ້າຮັບອຸດໜູນ. ນອກຈາກນີ້, ປະກັນສັງຄົມ ເມືອງຊິງຕາວ ຍັງໄດ້ມີການຮ່ວມມືກັບຂະແໜງການທີ່ກ່ຽວຂ້ອງ, ບັນດາທະນາຄານ ແລະ ວິສາຫະກິດ ເອກະຊົນ ເພື່ອສ້າງໃຫ້ມີລະບົບການໃຫ້ບໍລິການທີ່ທັນສະໄໝ ແລະ ສ້າງສິ່ງອຳນວຍຄວາມສະດວກທຸກຊ່ອງທາງໃຫ້ແກ່ສະມາຊິກປະກັນສັງຄົມ ທີ່ເຂົ້າໄປໃຊ້ບໍລິການ ບໍ່ວ່າຈະຢູ່ໂຮງໝໍ, ທະນາຄານ ແລະ ສວນສາທາລະນະ...
ຕໍ່ມາ, ຄະນະຜູ້ແທນປະກັນສັງຄົມລາວ ຍັງໄດ້ເດີນທາງໄປຢ້ຽມຢາມສູນບໍລິການປະກັນສັງຄົມຂັ້ນເມືອງ, ທະນາຄານທີ່ໃຫ້ບໍລິການລູກຄ້າປະກັນສັງຄົມ ແລະ ກຸ່ມບໍລິສັດ ໄຮເອີ້ (Haier Inovation Ecosystem Park).

22/10/2024

#ທັດສະນະສຶກສາທີ່ ChongQing, ສ.ປ ຈີນ
____________________________
ເພື່ອເປັນການສຶກສາ ແລະ ຖອດຖອນບົດຮຽນກ່ຽວກັບວຽກງານປະກັນສັງຄົມ, ໃນວັນທີ 21/10/2024 ອົງການປະກັນສັງຄົມແຫ່ງຊາດ ພ້ອມດ້ວຍຜູ້ຕາງຫນ້າ ຈາກອົງການແຮງງານສາກົນ (ILO) ໄດ້ເດີນທາງໄປທັດສະນະສຶກສາ ວຽກງານປະກັນສັງຄົມ ຢູ່ທີ່ ຫ້ອງການປະກັນສັງຄົມ ເມືອງ ຈົງຊິງ (ChongQing) ສ.ປ ຈີນ ໂດຍໄດ້ຮັບການສະໜັບສະໜູນຈາກ ອົງການແຮງງານສາກົນ ປະຈຳລາວ.
ການໄປທັດສະນະສຶກສາໃນຄັ້ງນີ້ ຄະນະຜູ້ແທນຈາກປະກັນສັງຄົມລາວ ນຳພາໂດຍ ທ່ານ ເພັດສະໝອນ ສຸກທະພອນ ຮອງຫົວໜ້າຫ້ອງການປະກັນສັງຄົມແຫ່ງຊາດ ພ້ອມຄະນະ.
ເບື້ອງຕົ້ນໄດ້ຮັບຟັງການນຳສະເຫນີໂດຍຫຍໍ້ກ່ຽວກັບການພັດທະນາລະບົບປະກັນສັງຄົມ ຂອງ ສ.ປ ຈີນ ເວົ້າລວມ, ເວົ້າສະເພາະກໍ່ຄືຫ້ອງການປະກັນສັງຄົມ ເມືອງ ຈົງຊິງ ແລະ ໄດ້ລົງຢ້ຽມຢາມການຈັດຕັ້ງປະຕິບັດຕົວຈິງ ກ່ຽວກັບມາດຕະຖານການໃຫ້ບໍລິການສາທາລະນະປະກັນສັງຄົມ ຂອງຫ້ອງການດັ່ງກ່າວ ໂດຍສະເພາະແມ່ນວຽກງານການໃຫ້ອຸດໜູນ, ວຽກງານຂໍ້ມູນຂ່າວສານ-ເຕັກໂນໂລຊີ, ວຽກງານໂຄສະນາປະຊາສຳພັນ ແລະ ວຽກງານໃຫ້ບໍລິການເຄື່ອນທີ່...
ຫ້ອງການປະກັນສັງຄົມ ເມືອງ ຈົງຊິງ ເປັນອີກຫ້ອງການໜຶ່ງ ທີ່ຖືກຈັດເປັນອັນດັບ 2 ຂອງໂລກ ທີ່ມີການພັດທະນາທາງດ້ານລະບົບປະກັນສັງຄົມ ຢ່າງວ່ອງໄວ ແລະ ມີຄວາມທັນສະໄໝສູງ ທາງດ້ານລະບົບຖານຂໍ້ມູນ (IT). ສຳລັບ ວັນທີ 24/10/2024 ທາງຜູ້ແທນຈາກປະກັນສັງຄົມລາວ ຈະໄດ້ເດີນທາງໄປທັດສະນະສຶກສາ ແລກປ່ຽນບົດຮຽນ ຢູ່ທີ່ຫ້ອງການປະກັນສັງຄົມ ເມືອງ ຊິງຕາວ (QingDao) ສ.ປ ຈີນ.

16/10/2024

#ປະກັນສັງຄົມຈັດກອງປະຊຸມປຶກສາຫາລື ເພື່ອຄົ້ນຄ້ວາແກ້ໄຂການຈັດຕັ້ງປະຕິບັດວຽກງານປະກັນສຸຂະພາບ
#ສະໜັບສະໜູນງົບປະມານໂດຍ: ອົງການກາແດງສະວິດສ໌..............................................
ໃນວັນທີ 14 ຕຸລາ 2024 ໄດ້ມີກອງປະຊຸມປຶກສາຫາລືກ່ຽວກັບວິທີການແກ້ໄຂການຈັດຕັ້ງປະຕິບັດວຽກງານປະກັນສຸຂະພາບ ທີ່ ໂຮງແຮມ ຄຣາວພລາຊ່າ ວຽງຈັນ ພາຍໃຕ້ການສະໜັບສະໜູນດ້ານງົບປະມານ ໂດຍ ອົງການກາແດງສະວິດສ໌, ໃຫ້ກຽດເປັນປະທານ ທ່ານ ເພັດສະໝອນ ສຸກທະວີພອນ ຮອງຫົວໜ້າອົງການປະກັນສັງຄົມແຫ່ງຊາດ, ເຂົ້າຮ່ວມມີ ຄະນະພະແນກສາທາລະນະສຸກ ນະຄອນຫຼວງ ແລະ ຄະນະພະແນກສາທາລະນະສຸກແຂວງທົ່ວປະເທດ, ຫ້ອງການປະກັນສຸຂະພາບແຫ່ງຊາດ, ຄະນະອໍານວຍການ 5 ໂຮງໝໍສູນກາງ, ຄະນະອໍານວຍການໂຮງໝໍແຂວງທົ່ວປະເທດ, ບັນດາໂຮງໝໍເມືອງ 9 ເມືອງໃນນະຄອນຫຼວງ, ຄະນະອົງການປະກັນສັງຄົມແຫ່ງຊາດ, ຫ້ອງການປະກັນສັງຄົມແຂວງທົ່ວປະເທດ ແລະ ບັນດາພະແນກການພາຍໃນ ອປຊ, ບັນດາລັດວິສາຫະກິດ ແລະ ວິສາຫະກິດ ທີ່ເປັນສະມາຊິກປະກັນສັງຄົມ ເຂົ້າຮ່ວມທັງໝົດ 186 ທ່ານ, ຍິງ 69 ທ່ານ...........................................
#ອ່ານຂ່າວເຕັມ ກະລຸນາກົດລິ້ງດ້ານລຸ່ມ:
https://lsso.gov.la/index.php/lo/news-la/local-news-la/270-2024-10-16-03-36-34